⛰️VIGNEMALE/PIQUE LONGUE 3299 mt. Ossoue sakana eta Baysellance 🏠 aterpetik. 2025-09-26/27

2025-09-26 Bayssellance 🏠Aterpera Barrage de Ossoutik.

 GAVE D´OSSOUE.  Aurrean daukagu  Vignemale mendigunea eta biharko helburua. Gaur, hemendik Baysellance aterpera. Urte asko dira ez garela bertan egon.

 Hemendik igo genuen ihez  eskuinean agertzen diren Milieu eta Tapou-ra. Milieu eta Gran Tapou ibilbidea

 Marmota ugari ikusi ditugu. Ossue sakaneko behekaldean.

 Ossoue-n. Orain bidea errekaren ezkerretik dago markatuta, bukaeran zegoen zubia ez baitago. Baina guk beheruntz datozen mendizaleak hemendik ikusi ditugu, eta gu ere alde honetatik goaz.

  Komedia batzuk egin behar izan ditugu erreka pasatzeko, baina gehiegi busti gabe lortu dugu beste aldera heltzea.

 Erreka pasa ondoren hasten da aldapa. Beti sakanaren ezker aldetik, GRaren markak jarraituz.

 Urjauzi ederra sakanean.

Atzera begira, Ossoue-ko urtegia eta Gavarnie eta Troumouse-ko mendiak. 

 Urjauziaren gainetik daukagun ikuspegi bikaina.

 Sakanean gora, urjauzi gehiago.

 Eta marmotak.

 Atzean, Gavarnie gainean, tontor eta paraje ezagunak.

 Urjauzi dotoreen elkargunea.

 Bidegurutzea. Gu ezkerreruntz. Aldapak jarraitzen du.

 Aurrean Petit Vignemale eta. Chausenque-ren bizkarra agertu zaizkigu. Hortik bihar ibiliko gara. Gaur, baina gorago oraindik, eskuinera hartuko dugu.

 Lehenbizi  Bellevue kobazulotik igarotzen da (2490m). Russell-en historio berezia datorkigu gogora.

 Hau da kobazulo hauetatik dagoen ikuspegia.  Astazou-etatik Gabietou-etara. Ez da makala...

 Bertan dagoen plaka.

Eguzki-erlojua

 Hemen zehar utziko dugu biharko bidea eta eskuinera joango gara, GRa jarraituz beti ere. Monferrat, Chausenque eta Petit Vignemale aurrean. Glaziarra oso goian, oraindik ez da ikusten.

 Aterpera heltzen. Atzean,  Pic Pouey Mourou (uste dugu), eta Astazouak eta Marboré-Picos de la Cascada.

 BAYSELLANCE (2650m). Hiru bat aldiz gaude egonda hemen aurretik, baina azkena 1988an. Antzera dagoela dirudi, zerbait handiagoa baina jendez gainezka.

 Eta hemen elkartu gara gure semearekin eta bere bikotearekin. Eurak Pont d´Espagne-tik etorri dira.

 Denbora dezente daukagu ikuspegietaz gozatzeko. Hemen Gavarnie zirkoko mendiak.

 Pic Labas.

 Duela hiru bat egun egindako elurrak. Aterpeko zaindariak bihar Pic Longue-n kontu handiz ibiltzeko esan digu, izotza baitago azkenengo horman.

 Ilunabar ederra Gavarnie-ko zirkoan.

 Astazous-Marboré-Picos de la Cascada- Espalda de Marboré-Torre-Casco-Roland bretxa-Bazillac-Taillón-Gabietous.

 Mondarruego eta Escuzana zirkoa.

 Marboré-Perdido-Picos de la Cascada-Espalda de Marboré.

  

Ibilbidea

⛰️VIGNEMALE/PIQUE LONGUE 3299 mt. 2025-09-27

 Egunsentia ere bikaina. Pic Rouge de Pailla-Astazous-Marboré. Goizeko 7ak dira.

 Montferrat eta Petit Vignemale-Pique Longue.

 Orain eguzkiaren lehenbiziko izpiekin.

 Prest gaurko abenturari (guretzat behintzat bai) aurre egiteko.

 Hasteko berrehun bat metro galdu behar ditugu, glaziarrera doan bidea hartzeko.

 Aurrean, Gavarnie zirkoa.

 Desbideratu gara Vignemale-ko glaziarrera igotzeko. Aurreko harritza zeharkatuko dugu lehenbizi.

 Hor aurrean, igotzeko behar ez ditugun gauzak harkaitz artean izkutatuko ditugu, itzultzerakoan hartzeko.

 Glaziarra oso goian geratzen da eta bertara igotzeko blokeen artean trepada ugari egin behar dira.

 Gida oso ona daukagu eta toki egokienetatik ari gara igotzen. Mugarri ugari daude, baina toki desberdinetatik doaz. 

 Hidratatzeko atsedena. Pic de la Sède eta Labas atzean.

 Petit Vignemale eta Espalda de Chausenque lotzen dituen ertza. 1994an egin genuen ertz dotore hori.

 Epaule de Chausenque-rekin.

 Gauean hotza egin du eta putzuak izoztuta daude.

 Hemen jarriko ditugu kaskoa eta kranpoiak glaziarrean sartzeko. Baina 3000 metrotan hasten da, Montferrat-en parean. Guk dezente beherago ezagutu dugu.

 Glaziarrean. Hau da gure semearen lan eremuetako bat eta lasai goaz, gozatzen. Gainera oraindik ez dabil jende asko, eta hori azken horman lasaiago ibiltzeko ona da.

 Tontorra aurrean. Glaziarretik gora berrehun bat metroko "harrobia" geratzen da.

 Glaziarrean.

 Azkenengo hormara heltzen. Cerbillona lepoa eta Russell-kobazualoak Clot de la Houndt-en hormetan. Garai batean elurra ea bertara heltzen zen, eta orain ordea, eskalatu egin behar da kobazuloetara igotzeko...

 Hormaren beheko zati izoztua gainditu ondoren, kranpoiak kendu eta eskuineeko plaketatik gora ekin diogu. Hemen harkaitz apur bat trinkoagoa dago eta nahiz eta trepada gehiago egon, hobeto igotzen da.

 Tximinia horretatik gora hartuko dugu. Aurretik bi euskaldun ditugu, eta beste hiru atzetik. 

 Nahiko bertikala da, baina helduleku onak daude.

 Goian trepadak jarraitzen dute.

 Tontorraren azpian dagoen Paradis kobazuloan.

 Paradis.

 Gustora gure gazteak. Helenarentzat lehenbiziko aldia da Vignemalen.

 Tontorrera heltzen.

PIQUE LONGUE (3299m). Gu biontzat bostgarren aldia, Eñautentzat oso ohikoa eta Helenarentzat lehena. Baina hau erronka nahiko handia denontzat.

 Pic de la Sède, Baysellance aterpea eta Petit-etik datorren ertz zirraragarria. Atzerago, Labas, Ardiden, Cestrède,..., eta beste hainbat tontor eta mendigune.

 Helena. Pozik gainezka.

 Mulos mendatetik Arratielle-ra doan bidea, Gran Facha, Cambalés, Balaitús-Frondiellas, Midi d´Ossau,...

 Infiernoak eta atzean, Bisaurín, Secús,...

 Gu hirurok.

 Momentu honetan gu bakarrik gaude tontorrean eta gozatu behar da.

 Montferrat-Tapou-Milieu ertza aurrean eta Gavarnie-ko tontorrak atzean.

 Irudi dotoreak hodeiekin. Baina gogorrena geratzen zaigu oraindik, jetsiera, eta glaziarren ikusten dugun jendetza heldu baino lehen, beheruntz hartuko dugu.

 Goruntz adi ibili behar izan badugu, beheruntz oraindik are gehiago. Hemen ezin da hutsik egin.

 Harri txiki soltea duten zati hauek dira arriskutsuenak.

 Tximinian. Orain igoeran atzetik izan ditugun hiru euskaldunak gure aurretik. Baina behetik jende asko goruntz. 

 Gu tximinia jeisten. Destrepe delikatua.

 Destrepe gehiago. Laster, eskuineko harritzatik, motxila bat eta harkaitz pila bat eroriko dira, gora doan jendearen eraginez. Zorionez, laster bukatuko dugu zati arriskutsua.

 Hormaren azpira heldu garenean, kranpoiak berriz ipini eta glaziarretik beheruntz.

 Atzean geratzen da Pique Longue.

                                

 Egin ditugun igoera eta jetsiera.

 Hau da glaziarraren egoera. Izotza!

                           

Arrailak glaziarrean.

 Glaziarra eta Cerbillona-Pic Central gainean.

 Glaziarretik atera eta beheruntz, oraindik izoztuta irauntzen duten putzuen ondotik. Gavarnie-ko tontorrak aurrean.

 Espalda de Chausenque-rekin. Igoerako inguru berdinetik jeisten saiatu gara, baina ez da erraza, mugarri ugari baitaude toki desberdinetatik.

 Ossoue-ko sakana oso behean geratzen da, baina lasai hartuko dugu jetsiera. Berriz, utzitako materiala jaso eta Bellevue kobazuloa baino lehenago batuko gara aterpera doan bidearekin.

               

 Eta GRtik behera laurok.

 Gogorra egiten da jetsiera, azkenean igartzen baita daramagun trotea. Urteak pasa ahala gero eta gehiago kostatzen zaigu jeistea...

 Ossaue-ko urjauzia. Gutxiago falta zaigu.

 Eta ibilbidea bukatzen. Gaur hamar orduko jardunaldi gogorra. Eta oraindik gogorena falta zaigu, Pont d'Espagne-ra joan beste kotxearen bila, eta gauez, Tramacastilla-ra itzuli. Baina daukagun pozak dena erraztuko du. Beti ez da sortzen halako astebukaera eder bat, etxekoekin. Guk behintzat, Vignemale-ri azken agurra eman diogula uste dugu. Beste mendi ezagun batzuekin gertatzen ari zaiguna bestalde...