UNZILLAITZ Diagonaletik

 2021-05-09  Gaur ibilaldi labur baina oso interesgarria egitera goaz. Aurretik beste lau bat aldiz egina daukagu, baina urteak aurrera doazela, beste saiakera bat egiteko gogoa daukagu. Untzillatxera Diagonal Handitik. Urkiolara heldu baino lehenago errepide ondoan dagoen Gatzaieta baserrian utzi dugu kotxea. Atxartetik ere igo izan dugu, baina gaur hemendik hasiko gara.

 Baserri ondoko iturria eta karobia.

 Untzillatx. Igoera, Diagonaletik(goian eskuinean ikusten da bukaera), eta jetsiera hormen erdian dagoen beste faxa-diagonal dotoretik.

 Urresteiko hormen azpian. Hor ezkerrean hasten da diagonala. Lehen esan bezala, Atxartetik ere etor daiteke hona.

 Guk gaur hurbilketa erosoagoa egin dugu. Igoera goikoa eta jetsiera behekoa.

 Eskuinean, Atxarte eta tontor ezagunak, Aitz Txiki eta Alluitz.

 Diagonalera hurbiltzen, harri txikiko bidezidor sigi-sagatsua jarraitzen. Zuloan, Atxarte.

 Diagonalean. Hasieran plaka hori batzuk gainditu behar dira. Ez da bertikala, nahiko etzana, eta kanalizoak errazten dute igoera. Aukera desberdinak daude eta bakoitzak ikusi behar du nondik jo, ahalmenaren arabera. Baina ez da zaila, F+ .

 Gustora goaz, kanalizoak jarraitzen. Ingurua oso ederra da.

 Tarteka urak sortutako zuloak daude, eta babesa eskeintzen dute.

 Erlaxatuta eta gozatzen egiteko igoera.

 Hauek ere aurkitu dute babes toki polita harkaitz artean.

 Saukokogañeko hormak eta Alluitz-Urkiolagirre atzean. Atxarte zuloan.

 Sauko koba diagonalaren irteeran. Leureta lepoa.

 Atxarteko hormak leureta lepotik.

 Lepotik ertz luzea geratzen da tontorrera. Erraza eta dibertigarria.

 Ertzean. Sauko koba Leureta lepoan eta Saukokogaña bere gainean. Astxiki, Alluitz,... atzean.

 Ertzetik dauden ikuspegiak Mañaria aldera. Eguna ez dago oso garbia.

 UNTZILLATX (941m). Mugarra eta Leungane atzean.

 Atxondo harana, Udalaitz eta Anbotora doan gailurreria.

 Buzoia.

 Honek guk baino arazo gutxiago ditu inguru horietan ibiltzeko. Mugarra atzean.

 Eguraldi goibela eta ekaitz arriskua. Bagoaz beheruntz.

 Beheko diagonalera sartzen.

 Mañarira erortzen diren espoloiak. Atzean, Leungane eta Mugarra.

 Hortik doa jetsierako diagonala. Bide oso polita eta "Pikosetako" itxura duena.

 Zati malkartsua Kurutzeta lepotik behera, "birara" igarotzeko.

 Markuarre zirkoan, tontorraren azpian.

 Markuarre zirkoaren gaineko aldetik doa bidea.

 Jetsi dugunari begira. Ederra tokia.

 Espoloiak eta Leungane-Mugarra atzean.

 Hormen oinera jeisten. Gero, berehala Elosu lepora eta pistatik abiapuntura.

 Aparkalekutik horrela ikusten da Untzillaitz. Beti bezala, oso gustora.

Ibilbidea hemen

1999-05-01

 Hiru familietako guraso eta seme-alabak. Gaztetxoekin praktikak egiten.

2008-11-01

    Azkenengo igoera ez izatea espero dugu. Hemendik urte batzutara ea gai garen ibilaldi dotore hau errepikatu ahal izateko.

 

TXINTXULARRA, ASTAIZ, HIRU BURBONAK. Zirkularra Altubetik.

 

 2021-04-05 Bihartik aurrera, itxita izango dugu Araba, guretzat behintzat. Amurrion gaua pasa ondoren, Altube mendatera etorri gara, hemendik Burbonetara joateko asmoz. Inoiz ez gara abiatu Altubetik, eta ezagutze aldera ibilaldi nahiko lasaia egitea pentsatu dugu. Gauean, hotza egin du eta, oraindik ere itzalean izotza dago.

 Mendatean bertan errepide ondoan ditugu balizak. Lehenbizi Burbonetara joango gara, eta Baias bidetik itzuli.

 Zuhaitz bikainak irten eta berehala.

 Gaueko hotzaren arrastoak.

 Letrero hau ikusi dugunean, bidea utzi eta eskuinera hartu dugu.

 Eta berehala heldu gara TXINTXULARRA tontorrera (845m). Tontor lasaia eta polita.

 Txintxularratik Altube bidera itzultzen.

 Bidegurutzea. Gu orain ezkerrera joango gara, Burbonara doazen margo horiak jarraituz. Gero, hona itzuliko gara Sarriako parketxetik.

 Pagadian. Ez da garai honena baina lasaitasun sentipen handia eskeintzen du inguruak.

 Orain arte ez dugu inor ikusi, eta halako batean zortzi orein pasa dira gure aurretik. Sorpresa ederra! Hor dihoa taldeko bat.

Jarraitu dugu eta momentu batean mugarri batek adierazi digu bidea utzi eta ASTAIZera(904m) igotzeko bidezidorra.

 Pagadian izkutuan dagoen tontorra da. Hor dago buzoia. Ingurua paregabea, nahiz eta ikuspegirik ez izan.

 Bakar bakarrik jarraitzen dugu eta gustora.

 Astaizeko pagadia. Hosto gutxi oraindik.

 Eta berehala gaude lehenbiziko Burbonaren ondoan. Hemen hasiko gara mendizaleak ikusten.

 MENDEBALDEKO BURBONA (931m). Tontor hauek ere basoan sartuta daude. Aurretik ezagunak dira guretzat, baina Sarria aldetik igota.

 Orain Erdikora.

 ERDIKO BURBONA (934m). Ingurua ondo kokatzeko, ez baita ezer ikusten.

 Eta azkenik, EKIALDEKO BURBONA(928m). Hau izango da izkutuena seguruen.

 Pagadi ederrean hau ere.

 Hemen, parketxetik igotzen duen bidera jetsi beharrean, pagadi eder honetatik zuzenean behera hartu dugu, Baias errekara.

 Jetsiera nahiko bortitza, baina pagadi garbitik.

 Baias erreka.

 Arlobi zubia baino gorago atera gara, eta ibai ondoko pistatik goaz orain.

 Aldarro.

 Hemen jende asko dabil, pasiada polita baita parketxetik aterata.

 Baias.

 Parketxera heldu eta bertako mahai batean egin dugu gure bazkaria, "mendiko menua". Hemendik Altube bidea hartzera igo behar dugu orain. Ez da luzea, baina aldapan gora.

 Altube bidean berriz. Orain jetsiera lasaia Altube mendatera. Eguzkiak ondo berotzen du ordu hauetan.

 Parean ditugu atzoko Garobel mendilerroko tontorrak.

 Eta pagoen hosto berriei begiradak emanez bukatu dugu gaurko ibilbidea. Orain etxera, eta egun dexenteetan herri ingurutik atera gabe pasa beharko dugu.

Ibilbidea