 |
2020-08-02 PANTICOSA BAINUETXEAn gaude goizeko 7:30etan. Bertako argazki tipikoa. Baina, gu gaur beste aldera goaz, oso jende gutxi ibiltzen den inguruetara.
|
 |
Brazato-ra doan bidea jarraitzen hasieran.
|
 |
Bidegurutzea. Eskuinetik Brazato-ra eta ezkerretik Labaza-ra. Gu ezkerrera.
|
 |
Bideak nahiko ona izaten jarraitzen du, lora artean gainera.
|
 |
Bainuetxea gero eta beherago.
|
 |
Beste aldean dauden mendiak. Erdian geratzen den mendia, Pondiellos.
|
 |
Goiko aldean, bidezidorra bukatu egiten da eta harkaitz blokeetatik gora egin behar da.
|
Hemen aldapa askoz tenteagoa da. |
Labaza-ko lehenbiziko lakua. Batanes Orratzak gainean.
|
 |
Lakua, goitik ikusita, eta fondoan Argualas-etik Punta Zarre-raino doan mendilerroa.
|
Bigarren lakua. Hau handiagoa da eta oso ederra. Atzean, Marmoleras-Piedrafita, Gaurier eta Punta Zarre.
 |
Argualas, Garmo Negro, Pondiellos, Infiernos eta aurrekoan aipatutakoak.
|
 |
Labaza-ko lakua.
|
Bere gainetik, Batanes-en hormen azpira igo behar dugu. Hemen marka zuri-beltz batzuk agertzen dira tarteka. Dena da harkaitz artean. |
Bloke artean igotzen. Gogorra egiten da zati hau. Bakar bakarrik gabiltza.
|
 |
Batanes gainean ditugula, ezkerreruntz orain. Lepoa han agertzen da.
|
Oraindik elurgune txiki batzuk eusten dute. |
Labaza-ko hirugarren lakuaren gainean. Xuans daukagu aurrean, eta bere oinean dago lepoa.
|
 |
Xuans eta Batanes-en arteko lepora heldu gara eta aurrean daukagu gaurko helburua, Serrato dotorea.
|
 |
Lepoan atsedena hartu dugu, eta hau da aurrean daukaguna. Panticosa da hau ere, baina hemen apenas dabil jenderik. Eta aukera asko daude... hor agertzen diren horiek besteak beste.
|
 |
Ondoan daukagu Xuans liraina. Igota daukagu, eta gaur nahikoa daukagu Serrato-rekin. Atzean, Infiernoak.
|
Serrato. Hasieran ertzetik, gero apur bat eskuinetik eta bukaera ertzetik igoko dugu. Tontorra atzerago geratzen da. |
Beste elurgune bat lepoan. Bagoaz ertzera.
|
 |
Igotzen, Xuans daukagula atzean. Ez da igoera zaila, baina bai adi ibiltzekoa.
|
 |
Ezkerrean daukaguna. Gero hortik egingo dugu jetsiera. Hori izango da berria guretzat.
|
 |
Ertzetik.
|
 |
Eskuinean ikusten duguna.
|
 |
Zati batean ertza utzi dugu eta orain berriz igo egin behar. Bramatuero-ko lakuetako bat, Arratille eta Neveras eta, fondoan Vignemale.
|
 |
Bagaude berriz ertzean. Ingurua izugarria da.
|
 |
Ertzeko pasabide batean, tontorretik gertu. Eskuinean Xuans, eta ezkerrean, Batanes. Atzean, Tendeñera mendikatea.
|
 |
SERRATO (2888m). Bakardadean. Bigarren aldiz hemen. Atzean, Balaitús, Gran Facha, Cambalés, Marcadou-ko tontorrak.
|
 |
Bramatuero alderuntz. Hortik ere jetsi daiteke, laku pila ikusiz, baina ezagutzen dugu eta gaur ez da tokatzen.
|
 |
Bachimaña, Infiernoak, Piedrafita, Punta Zarre, Frondiellas-Balaitús, Gran Facha,...
|
 |
Bramatuero eta Marcadou aldeko mendiak. Iparraldean behelainoak.
|
 |
Bramatuero eta Letrero lakuak, Arratille-Neveras, Vignemale,...
|
 |
Frondiella, Cadier Orratza eta Balaitús, Costerillou ertzarekin.
|
 |
Bachimaña-ko aterpea eta urtegia. Horra jetsiko gara zuzenean.
|
 |
Goiko Bachimaña
|
 |
Bramatuero eta Letreo lakuak eta Arratille-rekin.
|
 |
Jeisten. Hemen gurutzatu gara gaurko lehenbiziko mendizaleekin. Beste hiru euskaldun.
|
 |
Bramatuero lakuarekin.
|
 |
Xuans lepora jeisten.
|
 |
Vignemale.
|
 |
Xuans lepoa. Ezkerrean Xuans eta fondoan Argualas-Garmo Negro, Infiernoak. Jetsiera latza eta guretzat ezezaguna daukagu.
|
 |
Mugarri batzuk badaude, baina adi ibili behar da ez galtzeko. Goian, lepoa.
|
 |
Geratzen diren elurguneak baliatzen jetsiera arintzeko.
|
 |
Xuans lakua paraje zoragarrian dago. Oso alpinoa eta bakartia.
|
 |
Toki batzutan oso aldrebesa da jetsiera.
|
 |
Xuans lakua Serrato-ren azpian.
|
 |
Lepoa eta Xuans mendia. Hortik gatoz.
|
 |
Lorategi eder batzuk ere sortzen dira inguru mineralean.
|
 |
Lakutik behera. Momentu batzutan mugarriak galdu egin ditugu eta intuizioz jetsi gara.
|
 |
Destrepe dotore bat.
|
 |
Eta halako batean Coanga lakuan agertu gara. Gran Facha, Falisse eta Marcadou aurrean.
|
 |
Laku txikia baina xarma handiarekin. Oinak freskatu eta lasaitzeko baliatu dugu. Jetsiera gogorra izan da. Hemendik aterpera bide hobea dago.
|
 |
Bachimaña aterpean. Serrato atzean.
|
 |
Aterpetik behera hainbat aldiz egindako bidea. Fraidearen aldapan, urjauziekin.
|
 |
Askotan pasatzen gara hemendik baina beti ateratzen diogu argazkiren bat. Oso polita da!!!
|
 |
Arratsaldeko 6retan heldu gara Bainuetxera. Ibilaldi oso ederra eta gogorra egin dugu, aterpera jetsi arte apenas ikusi dugu jenderik, eta asko gozatu dugu. Casa de Piedra-n garagardo handi bat oso gustora edan dugu. Merezi dugulakoan!
|
iruzkinik ez:
Argitaratu iruzkina