ESPELUNCIECHA ORIENTAL 2247 mt, El Portaletetik

 

 2023-04-16 Bezperan Jacan Canal Roya-ko priektuaren aurka egindako kanifestazioan egon ondoren, nahiko berandu altxatu gara. Baina gauean goietan elurra egin duela ikusi eta Portalet-eko aparkalekura etorri gara. 10,30n hasi gara oinez. Bertatik dago elurra eta erraketak oinetan ipinita hasi gara. Ez gara bakarrak. Mendizale asko eskiekin. Pistak itxita. Gozamena!

 Yurta Espelunciecha-n. Gainera hemendik ez doa inor. Denak dabiltza pistatik...

 Peyrelue-Soques-Ferraturas atzean.

 Arrastoa irekitzen malda lasaietan. Elurra egoera bikainean dago. Hau zortea! Atzean, aurrekoaz gain, Lurien, Frondiellas,...

 Lakura heltzeko azkenengo zatian. Izugarrizko gozamena daramagu. Elurra zoragarri eta hemendk bakarrik gabiltza.

 Espelunciecha lakuan. Toki idilikoa. Guk horrela ezagutu genuen aspaldi, baina eski-pistak ireki zituztenetik hemen hurbildu gabe ginen. Merezi du hona etortzea.

 Lakua eta ingurua. Beti horrela egongo balitz... Hemen ikasi genuen mendiko eskia, duela urte asko.

 Lakuan bikoiztuta. Orain eskiak utzita ditugu, baina erraketekin gozatzen dugu.

 Lakuaren ertza.

 Lakua utzi eta goruntz goaz, hobekien iruditzen zaigun tokietatik. Atzean, Infiernoak, Garmo Negro,...

 Canal Roya lepora irteten.

 Rinconada eta Anayet biak. Zuloan Canal Roya. Hau horrela geratzearen alde izan ginen atzo Jacan.

 Midi d'Ossau.

 Lepo gainean dagoen tontorrera igo dugu. Espelunciecha Oriental (2247m). Ikuspegi ederrak ditugu. Hau La Raca aldera.

 Alboan dago anai nagusia. Eskiatzaile gehienak hor dabiltza.

 Rinconada. Hor ezkerrean dago Anayet-era igotzeko erabili genuen "ferrata" gogorra.

 Anayet biak.

 Anèou, Canal Roya mendilerroa. Zuloan, hondoratu nahi duten harana. Ea horrela eusten dion!.

 Culivillas mendia.

 Hauek Portalet mendatearen beste aldekoak.

 Igo dugun tontorraren oinean. Orain toki beretik beheruntz.

 Hor egon gara. Elurra bikain dago oraindik eta gustora goaz beheruntz.

 Hiru ordu t'erdiko ibilbide erraza eta gozagarria izan da. Udaberriko oparia! Orain, iparraldeko haizetik babesean zerbait jan eta edateko ordua da.

Wikiloc

SOMOLA BAJO 2574 mt. La fuente del Pacotik

   

     Duela bi aste izan ginen hemen, Espata eta Bacún igotzen. Orduan ikusi genuen elur gutxi zegoela Somola Bajo aldean. Inguru hori ezezaguna da guretzat eta mendi txikienetik hasteko ordua da. Horrela ba, berriz etorri gara Fuente del Paco gainean dagoen aparkalekura (1240m). 2023-04-09 da eta elurra egin gabe jarraitzen du. Beraz, animatu gara. Kranpoiak hartu ditugu badaezpada.

 Aparkalekutik atera eta ibaia pasa ondoren berehala ikusten dugu Collarada.

 Hasierako aldapak gaindituta, bide lasaia daukagu basotik. Beste aldapa tentea, Espata aterpearen azpian pistara atera ondorengoa da. Baina ez da luzea eta zuzenean aterpe ondora ateratzen da.

 Aterpea eta Espata-ra doan bidea behean utzi eta Marañán lepora igotzeko sakanera sartu gara.

 Marañán lepoa goian. Gu ez gara bertara joango, apur bat ezkerrera eta gorago aterako gara.

 Nahiko ondo ibiltzen da sakanetik. Bidezidorra dago. Villanúa zuloan.

 Dauden elurguneak baliatzen. Malda ez da oso handia eta elurra nahiko ondo dago, gogorra.

 Elurgunearen bukaeran hartuko dugu ezkerreruntz.

 Collarada. Elur oso gutxi gauden garairako.

 Marañán lepoa eskuinean uzten ari gara. Espata bere gainean.

 Eta gure mendia aurrean, Sómola Baja. Ez dugu osorik ikusten, baina badirudi elurrik ez duela.

 Hauek ezkerrean ditugunak. Collarada kenduta, gainontzekoak igogabeak guretzat. Beste baterako.

 Itxura dotorea dauka hemendik Espata-k.

 Lepoa eta Espata. Hemendik ere badu igoera.

 Collarada eta Collaradeta.

 Gure bidea belar eta harkaitzak tartekatuz doa. Dena gora, apur bat monotonoa. Ezkerrean daukagun paisaiak laguntzen du.

 

 

 Collarada.

 Somola bajo. Eskuinetik igoko dugu. Elurgune handiaren azpitik doaz mugarriak.

 Elurgunea igaro dugu. Orain lepo nabarmen batera doaz mugarriak. Baina goian elurra dago, eta ez digu konfiantza askorik ematen. Eta kranpoiak ez jartzeagatik, bere eskuinean dagoen tximinia batera goaz.

 Tximinia horretatik igo dugu. Elurtuta dago, baina harkaitzen laguntzarekin, nahiko ondo igo dugu.

 Tximiniaren irteeran. Tontorra oso gertu geratzen da. Zuloan, Acumuer harana.

 SOMOLA SUR (2574m). Atzean, bere anai nagusia. 1300 metroko desnibela egin dugu, hiru ordu t'erditan.

 Pala de los Rayos eta Retona aurrean eta Escarra urtegia eta Gramo Negro-Infiernos besteak beste atzean.

 Tontorrean. Hemen oso ondo dago elurra. Atzean Sómola Alta. Fitxatu dugu beste baterako.

 Collaradeta-Collarada ezkerrean, Peña Nevera eta Sómola Alta.

 Escarra urtegia eta mendi ezagunak atzean.

 Escarra urtegia.

 Somola Alta.

 Collaradeta-Collarada eta Somola Occidental.

 Goiko elurgunetatik behera. Hemen elurra oso ondo dago eta ez dago malda handirik. Ez gara jetsiko igotako tximiniatik. Beste bat aurkituko dugu.

 Hau da aurkitu duguna. Hemen ez dago elurrik.

 Han goitik gatoz eta berehala helduko gara igoerako bidera.

 Bagaude igoerako bidean, malda lasaiagoetan.

 Gogorrena bukatuta. Baina oraindik asko falta zaigu behera heltzeko. Orain Marañán leporuntz.

 Planak egiten goaz. Itzuli behar dugu, Collaradeta eta abarrak igotzeko...

 Sai zuria, putrea,...?

 Marañán lepotik behera. Orain igoerako bidea jarraituko dugu.

 Lepoa goian.

 Elurguneak baliatzen orain ere.

 

 Jetsi dugu sakana. Marañán lepoa goian eta Espata eskuinean.

 Espata aterpearen ondoan dagoen mahaian atsedena jan eta edateko. Honeraino etor daiteke kotxez, baimena izanda. Guri beste ordubete bat geratzen zaigu jeisteko.

 Mugarro dotorea bidean.

 Abiapuntua eta helmuga. Sei ordu t'erdiko ibilaldi ederra izan da gaurkoa. Plan berriekin gatoz... Hau ez da bukatzen. Gozamena!

IBILBIDEA SOMOLA