2019/11/30

PEÑA LUSA 1575 mt Collados del Ason-etik

2019-10-26 Etxetik egunean joan-etorria egiteko nahiko gertu daukagu ASON ingurua, eta askotan etorri izan gara, edozein urtarotan, eta beti sentipen oso ederrekin itzuli izan gara etxera. Aurten etorri gabe gaude eta Peña Lusa-ra igotzea pentsatu dugu, Asón-etik. Duela urte batzuk Lunada aldetik igo genuen, baina gaur zerbait luzeagoa egitea nahi dugu. Asón-eko urjauzia, beti bezain ederra.

Goian eguzkiak jotzen du eta kontraste handiegia dago, baina paraje honek beti hunkitzen gaitu.

690 metrotara dagoen Collados de Asón-eko aparkalekuan gaude. Goizeko 9ak dira eta zaldiak dabiltza errepidean.

Erdian ikusten den pistatik aterako gara, La Posadía eta Brenavinto eta Colina aldera joateko bezala. Baina gaur berehala utziko dugu pista, ezkerrera hartzeko, Hondojón-era doan PRa jarraituz.
Asón lepoen beste aldean Mortillano mendia geratzen da. Aspaldi igo genuen hemendik eta igoera nahiko konplikatua dauka goiko karstean batez ere.

Aldapa dotorea pista utzi ondoren. Hego haize nahiko zakarra dabil, baina eguraldi ona bestela.

Horneo-ko txabolak eta monolitoak ditugu eskuinean. Hortik doa Colina-ko PR-a.

Horneo-ko txabolak eta beraien barruti mugatuak.

Campanarios gure parean. Eskuinean ikusten den arrakalatik gora doa Coladero bidea. Eginda daukagu eta oso interesgarria da. Gaur eskuinean utziko dugu.

Sartu gara basoan. Oraindik udazkeneko tonoak ez dira oso nabariak baina polita dago.


Basotik atera eta berehala gaude Ojón-eko txabolen ondoan.

Ojón-eko txaboletako bat. Toki ederra da, Campanarios-en magalean.

Eta oraindik urruti, baina aurrean daukagu gure helburua, Peña Lusa eta Bustarejo eskuinean. Jarraituko dugun bidea ere antzematen da.

Ojón. Txabola ederrak eta abereak zelaietan.

Balizak Ojón-en. Gu orain La Brenía-runtz. Hondojón-ekoa jarraituz, Campanarioen gainekaldea hartzen da ondoren Brenavinto-ra jeisteko. Ibilaldi polita hori ere.

Orain jarraitu behar duguna. Busturejo basoa eta Peña Lusa goian. Eskuineko zuloan Hondojón.

Busturejo basoruntz. Peña Lusa aurrean beti. Norabidea garbia da.

Hemen sartuko gara Busturejo baso ederrean geziarekin markatuta dagoen Portillo de las Escalerucas-era heltzeko. Hortik igaroko gara goiko aldera.

Busturejo pagadia.

Basora sartzen. PRa utzi dugu. Pare bat mugarri daude sarreran, bide egokia adierazteko.

Pagadi garbia eta oso atsegina.

Basoko aldapa gainditu ondoren Escalerucas-en oinera heldu gara. Pasabide dotorea.

Ez dago zailtasunik, eskailera bezala daude harkaitzak eta ondo igotzen da. Hezetasuna da arazo handiena.

Pasabidean sartuta.


Hau da pasabidearen irteera goian. Asko gustatu zaigu, eta jeisteko ere ibilbide bera erabiliko dugu. Ojón-etik egin dugun ibilbidea ikusten da eta Mortillano mendia atzean.

Ojón-eko paraje ederra. Bidea eskuinetik dator.

Goiko partean, Porrones zuloa inguratu eta Bustarejo lepoa daukagu parean. Igotzeko horra joango gara, gero mendiaren beste aldetik jarraitzeko. Jetsi, ezkerretik egingo dugu.

Bustarejo leporuntz, Lusa-ren hormen azpitik.

Bustaro lepotik Lunada aldea daukagu behean, eta Cubada Grande eta Castro Valnera mendiak aurrean.

Lunada mendatea eta Pikos de Europa-ko tontorrak elurtuta.

Lepotik, Lunada aldera igaro eta Lusa-ren hormen azpitik goaz, hemendik igotzeko kanalaren bila.

Lunada-ko baso eta txabolak.

Hau da kanalaren hasiera. Zabala da eta, aldapaz aparte, ez dauka zailtasunik.

Goiko aldean estutzen da, baina erraza da. Hau da irteera. Hemendik nahiko azkar heltzen da tontorrera.


Azkenengo aldapa tontorrera heltzeko. Castro Valnera da hemengo erregea, neguan batez ere.
PEÑA LUSA. Jeisten ari zen mendizale bakarti bat besterik ez dugu ikusi.

Portugaleteko Ganerantz taldeak jarritako oroimenezko plaka bat.

Asón, La Gándara, Mortillano, Mazos eta Laredo aldeko itsaoari begira.
Lunada, Castro Valnera, Cubada Grande eta abarrekin. Haizea dabil eta ez dugu denbora asko egingo goian.

Jeisteko, igoeraren beste aldetik egingo dugu. Tontorra eskuinean dago. Belarrezko kanal batetik behera. Itxuraz, hau da alde honetatik igotzeko bide arrunta.

La Bernía, La Gándara, La Sía mendatera doan errepidea,... gure oinean.

Busturejo lepoa baino beherago elkartu gara igoerako bidearekin. Orain Porrones zuloak inguratu eta Escalerucas pasabideruntz jetsiko gara.

Picón del Fraile, militarren tresneriarekin.

Escalerucas-en, jeisteko prest.


Busturejo basoan.


Izugarrizko lasaitasuna adierazten du baso honek. Gozamena!

Bizitza pagoen enborretan.

Pagadia.

Ojón-era itzultzen, Busturejo basoa eta Lusa atzean ditugula.

Ojón.

Ojón. Izugarri ederra da tokia.

Ojón-en esango diogu agur Peña Lusa-ri. Orain Hondojón-eko PRa jarraitzea besterik ez zaigu geratzen.


Ibilbidea. Lunada-koarekin konparatuz, hau askoz dotorea eta interesgarria dela iruditu zaigu. Lunadakoa oso laburra da. Hau luzeagoa da, eta inguru desberdinak ezagutzeko balio du. Dena dela, batetik edo bestetik, mendi polita da eta Asón aldea ezagutzea ezinbestekoa dela iruditzen zaigu.