2017/10/31

TUC DETH ROSARI 2.607 mt - TUC DE MARIMANHA 2.679 mt. Aran-en.

2017-08-21 Beret-eko eski-estazioko Orri aparkalekuan utzi dugu kotxea (1970m), eta hemen ikusten den eraikuntza horren ondoan pistak utzi eta Baciver-eko lakuetara doan bidea hartu dugu. Eguraldi ederra gaur ere.

Bide ona eta erosoa Arriu Malo haranaren beheko aldean.

Eskuinean laku txiki bat utzi dugu.

Landaretza ugari bidearen bi aldeetan.

Momentu batean harkaitz bloke batzuen gainetik igaro behar da. Mugarriek ondo adierazten dute bidea.

Lora arteko aldapa Baciver-eko beheko lakura igotzeko.

Atzera begira, Arriu Malo sakana eta Orri-ko aparkalekua, ibilbidearen abiapuntua eta jarraipena, igaro berri ditugun blokeekin.

Estany Baix de Baciver (2140m). Oso polita, eta bakartia ordu honetan. Itzultzerakoan jende gehiago ikusiko dugu.

Inguru dotorean dago kokatuta lakua.

Zuhaitz fotogenikoa uretan.

Lakuaren ezker aldetik jarraituko dugu altuera irabazten, goiko lakuetara heltzeko.

Panorama irekitzen doa. Aztera begira, eta ezkerretik hasita, Perdiguero, Royo, Lliterola, Maupás, Lèzat, Quayrat,... Ea denak aspaldiko ezagunak!

Goiko lakuetara igotzen. Hemen, ezkerretik (erreka zulotik) edo eskuinetik joan daiteke. Bi aukerak dira balekoak.

Laku txiki ugari daude Baciver-eko lautadan. Tuc de la Llança daukagu aurrean.

Lakuetara heltzen. Tuc de Marimanha agertzen da ezkerrean.

Estanys de Dalt de Baciver. Paraje oso ederra. Baciver mendiaren tontorra atzean ikusten den txuria da. Aurrekoa, apur bat baxuagoa da.

Esan bezala tokia espektakularra da. Lakuen urdintasuna eta atzean dagoen hirumilakoen multzoa, bertan egun guztia geratzeko bezalakoa da. Ezkerretik hasita, Maldito-Maladeta- Picos Occidentales de Maladeta- Alba, Posets erdian, eta Perdiguero-Lliterola-Maupás eskuinean.

Maldito-Maladeta-Alba mendilerroa.

Perdiguero, Royo, Lliterola, Maupás, Crabioules, Lèzat. Bakarrik garaienak aipatuz...

Russell-Margalida-Tempestades-Aneto-Coronas-Maldito-Maladeta-Alba eta Posets eskuinean.

Marimanha, bigarren lakuarekin. Gu orain eskuinera goaz, Rosari lepora.

Rosari lepora igotzen, Bacivers-eko lautada eta lakuen gainean.
Behin lepoan, beste aldean Airoto lakuen ingurua eta Pic de Qüenca ditugu ikusgai.
Lepotik eskuinera hartu dugu, Tuc deth Rosari-ren azken aldapa igotzeko.

Tuc de Baciver eta lakuak.

Azkenengo metroak harkaitz bloke artean dira.

TUC DETH ROSARI-n gaude (2607m) eta Aneu harana ikusten dugu zuloan.

Tempestades-Aneto-Coronas-Maldito-Maladeta.

Saint Mauricio aldeko mendiak. Eskuinekoa Peguera dela uste dugu.

Baciver-eko lakuak, lautadan, beheko urtegia ezkerrean, eta atzeko planoan, Gure abiapuntua, Bèret-eko Orri aparkalekua.

Tuc de Baciver eta bere lakuak, eta Pic de Barlonguère atzean.

Orain, Rosari lepora jetsi eta ertz entretenigarri horretatik igoko dut Marimanha-ra. Ez da oso zaila, baina pare bat tokitan adi ibili behar da, harri solte asko baitago. Gero jetsiera, askoz gogorragoa egingo zait.

Igo behar den ertza. Erdialdean daude paraje txarrenak. Ea dena ertzetik bertatik egingo dut, alboak ez baitira batere seguruak.

Igarotako irtengune bat. Harkaitzak oreka nahiko ahulean daude.

TUC DE MARIMANHA (2679m). Hemendik hirumilakoen ikuspegia zabaldu egin da. Eskuinean, aurretik oso ezagunak egiten zaizkigunak, erdialdean, Tuc de Molières, eta ezkerrean, Besiberri mendikate guztia. Behean, nola ez, Baciver-eko lakuak.

Hemen, Marimanha-ko lakuak eta Montgarri aldera jeisten den sakana eta Pic de Barlonguère ezkerrean eta Mont Valier eskuinean (Pass'Aran-eko lehen etapa hortik dihoa).

Airoto-ko lakuak eta Pic de Qüenca.

Pic de Moredo.

Pica d'Estats, Monteixo,..., eta Andorrako mendi garaienak.

Tontorreko seinale geodesikoa.

Jetsiera. Izugarrizko aldapa dago eta terrenoa oso gogorra da. Ez zait batere gustatu... Edo akaso lakuetara heltzeko gogoa izango da, baina gogorra iruditu zait. Igotzeko ere.

Terreno gogorrak utzi ondoren, lakuen lasaitasuna.

Marimanha. Eskuinean igoerako ertza, eta erdian jetsiera bortitz.

Atsedena hartzen eta oparitxoa ematen oinei. Gero zerbait jan eta beheruntzako bidea hartu dugu.

Baciver-eko urtegira heltzen.


Urtegia, bere zuhaitz fotogenikoarekin.

Eta orain jende gehiago ikusiz, bagoaz behera, lora eta landaretza artean. Beste ibilaldi dotore bat Aran haranean. Bakarrik lakuen parajea ikusteagatik merezi du igoerak, eta gainera, Rosari mendia edo Bacivers igota, ibilaldi oso ederra egin daiteke. Marimanha gogorragoa da. Baina hau beti gure iritzi pertsonala da.


2017/10/25

TUC DETH PORT DE VIELHA 2.605 mt. Zirkularra, Vielha-ko Espitau- tik


2017-08-20 Atzo Girona-tik etorri ginen, eta hiru egun igaroko ditugu Vielhan. Gaur, goizeko 8:30tan Vielhako tunelaren hegoaldeko sarreran dagoen Espitauan gaude. Hau da eguneko plana.

Tuc de Mulleres. Gaur ederki ikusten dugu. 10 egun lehenago hor goian izan ginen Besurtatik igota, elur artean, hotza pasatzen eta ezer ikusi gabe. Nola aldatzen diren gauzak!

Irteeran dauden balizak. Orain ezkerretik joango gara, Molières haraneruntz, eta Pòrt de Rius-etik datorren bidetik jetsiko gara. 1609 metrotara gaude eta 2605-era igo behar dugu. 1000 metroko garaiera-aldea beraz.

Berehala utziko dugu Molières haranera doan bidea eta eskuinera hartuko dugu, Pòrt de Vielha-ra igotzeko. Mendateraino oso ondo dago markatuta bidea. Historia asko duen bidea da

Molières harana eta Tuc de Moliéres fondoan. Hemendik egin genuen lehenbiziko igoera 1986an.

Lehen esan dugun bezala, baliza ugari daude eta oso nabarmena da jarraitu behar den bidea.

Hori bai, Molières haranera doan bidea utzi ondoren, aldapa oso tentea da, eta toki batzutan bidea apur bat izurratuta ere badago, baina ez dago arazorik.

Tuc del Mig de la Tallada eta Pic Feixán ditugu atzean, Moléres harana babesten.

Hor dago abiapuntua, tunelaren sarreraren ondoan.

Hemen dago bidea apurtuta, harri solte askorekin.

Olan dera Espona-n gaude. Hemen atsedena hartzen du aldapak, eta guk ere bai.

Hau da aurrean daukaguna. Sakan horren ezker aldetik doa bidea eta oso txukuna gainera. Sakana gainditu ondoren, ezkerrera doa bidea, gero goian zeharkaldi luzea egiteko eskuinera. Han dago, eskuinean, Vielha-ko mendatea.

Gezurra dirudi horrelako bide dotorea aurkitzea inguru honetan. Argi dago asko erabili zela ibilbide historiko hau. Ez zegoenean tunelik...

Oso erosoa egiten da igoera, eta atzean daukagun paisaiak asko laguntzen du. Tuc dera Tallada eta Feixán.

Tunelaren tximiniak bidetik gertu geratzen dira.

Aldapa lasaitu egin da. Eskuineko lepora igo begar dugu, ondoren dena eskuinera joateko.

Bunker baten ondotik igarotzen da.


Mig de la Tallada eta Feixán. Zuloan Molières harana.

Pòrt Vielh deth Hòro-ra heldu gara (2270m), eta Forcanada dotorea agertzen zaigu ezkerrean.

Gure mendia eskuinean geratzen da eta zeharkaldi luzea baino erosoa geratzen da bertara heltzeko.

Behera begira, Vielha-ko Espitaua eta egin dugun igoera ikusten ditugu.



Hor aurrean daukagu mendatea.

Toki batzutan oso ondo landuta dago bidea.

Mendatera heldu baino lehenago, baliza honek mendiaren altuera adierazten du.
Forcanada.

Hor aurrean daukagu Vielha-ko mendatea eta oso gertu gaurko tontorra.


Hau da atzean daukagun panorama bikaina.
Vielha-ko mendatera heltzen. Hor atseden txiki bat hartuko dugu panoramaz gozatzeko.

Aneto-Oliveras eta Coronas eskuinean.

Forcanada aurrean, bere ezkerrean Pico del Medio-Astorg, eta eskuinean Maladeta.

Forcanada, eta atzean Coronas, Medio-Astorg-Maldito.

Lepotik tontorrera igotzen. Atzean, Aneto-Maladeta mendilerro guztia. Lepotik ikuspegiak ederrak badira, goitik antzerakoak, baino oztopo gutxiagorekin.

TUC DETH PORT DE VIELHA (2605m). Orain bai, atseden luzeagoa hartuko dugu. Bakar bakarrik gaude tontorrean, eta tokia izugarria da. 360ºko panoramika ederra daukagu. Hemen, ezkerretik hasita, Feixán, Russell, Molières, Aneto, Malditoak, Forcanada, Maladeta,...

Iparraldean, Vielha hiria zuloan, eta Pass'Aran-en ezagututako Crabère eta Maubermé besteak beste.

Baserca urtegia hegoaldean, Conangles baino beherago.

Aneto-Malditoak-Maladeta eta beraien aurrean Forcanada dotorearekin.

Lliterola eta Remuñe aldeko mendiak.

Aneto-Oliveras-Coronas-Medio-Astorg-Maldito eta Aneto-ko glaziarra egoera penagarrian.

Ez da toki makala urtebetetzea ospatzeko.

Tuc dera Contessa aurrean eta Besiberri-Comaloforno mendilerroa atzean.

Gero horra jetsiko gara, Redon lakura. Ezkerrean Tuc de Sarrahèra, eta Montardo eta Tossau de Mar atzean.

Redón lakua. Horra jeisteko ez dago markarik, baina mugarri batzuk laguntzen dute toki egokietatik jeisteko. Aldapa handia dago, baina ez dago zailtasunik.


Lakura jeisten. Tuc de Sarrahèra gainean.


Lasaitasunaz gozatzen. Hemen ere oso jende gutxi ikusi dugu, hiru pertsona hain zuzen ere. Eguraldi behategi bat dago lakuaren ertzean.


Tuc deth Port de Vielha, Redón lakuaren gainean. Eskuinetik egin dugu jetsiera.

Lakutik behera, Port de Rius-etik datorren bidearen bila.

Tuc dera Contessa-ra doan ertz zorrotza.

Restanca aterpetik eta Port de Rius-etik datorren bide balizatuan. Hemen behintzat, ez da batere erosoa, aldapa handia eta harkaitz bloke ugari.

Beheko aldean lasaitu egiten da eta laster basora sartuko gara. Aurrean daukagu berriz Molières harana eta Feixán, Molières, Aneto, e.a. Zirkularra bukatzen ari da.

Atzera begira, Port de Rius aldea. Gu ezkerretik gatoz.

Argi dago gutxi falta zaigula Espitau-ra itzultzeko.

Vielha-ko Espitaua. Hemen hasi eta bukatzen da gaurko ibilaldia. Oso interesgarria iruditu zaigu. Gomendagarria erabat.