2023/12/31

🏔️ESPELUNCIECHA 2399 mt. Anayeteko parkinetik

2023-12-19 Duela egun gutxi ireki dute Formigal-eko eski estazioa. Elur gutxi, baina guretzat nahikoa. Hau baliatuz, Anayet-eko aparkalekura etorri gara, bertatik Anayet-eko lakuetara eta Espelunciecha-ra igotzeko. Aurten hainbat aldiz ibili gara Anayet aldean, baina denetan Portalet-etik. 

 Lehenbiziko aparkalekuan utzi dugu kotxea. Hemen ez da ordaindu behar. Estazioan bertan jarri ditugu erraketak eta Culivillas sakanera abiatu gara. Balaitús eta abarrak atzean geratzen dira.

 Culivillas sakana. Hemen elurra oso ondo mantentzen da. Gainera, aurreko egunetako arrasto bikaina daukagu.
 Sakanera sartzen.

 Horrela dago bide guztia. Ez ditugu erraketak kenduko kotxera jetsi arte.

 Pasabide estua erreka ondoan.

 Izotz-kandelak.

 Erreka guztia ere horrelako izotz kandela ederrekin dago apainduta. Gauetan hotz handia egiten ari da.

 Atzera begira, Balaitús-Frondiellas, Infiernos,... Bideak ez du misteriorik. Oso ezaguna eta erabilia da.

 Lakuetara heltzeko dagoen aldapa tentea bukatzen. Atzean, Llena Cantal, Tebarray, Infiernos, Garmo Negro, Algas,...

 Anayet eta lehenbiziko lakua, dena izoztuta.

 Lakua eta Midi. Ez gara aspertzen toki honekin... Asteartea da baina badabil jendea. Ez asko, baina tira.


 Lakua behean utzi eta Espelunciecha-ra igotzen. Eskuineko ertzetik egin dugu gora. Hemen ere arrasto ona daukagu.

 Arrastoa jarraitzen. Goian ertzera aterako gara.

Ertzean. Tontorra eskuinean. Hemendik gora oinezkoen arrastoa dago, baina erraketekin ondo igoko dugu.

 Ertzetik. Atzean, Culivillas eta, atzerago, Sabocós-Tendeñera mendilerroa.

 Azkenengo zatian estutzen da ertza, baina kontu apur batekin ondo igotzen da.

 ESPELUNCIECHA (2399m). Balaitús, Infiernos,... Gaur, eskiatzaile bat bakarrik ikusi dugu hemen goian.

 Anèou-ko tontorrak, Sesques, Cèzy,..., eta erregea, Midi d'Ossau.

 Anayet eta atzean, Castillo de Acher, Acherito, Mahaia, Anie,... Gero alde horretara jetsiko gara.

 Tontorreko harkaitza.

 Lakua, Garmo de Izas eta Anayet-eko Erpina.

 Bigarren lakua eta Anayet biak.

 Beste aldera jeisteko ea nola dagoen begiratzen. Arroyetas eta Pala de Ip erdian.
 Ondo dagoela ikusi eta goiko irtengunea jeisten gaude. Elurra izoztuta dago, baina ondo jetsiko dugu.

 Goiko irtengunea jetsita. Izotza eta belarra harkaitz artean.

 Bigarren laku izkutua gure oinetan geratzen da. Erabat izoztua hau ere.

 Bi lakuak eta Anayet biak.

 Anayet harrigarria. Castillo de Acher eta goian aipatutakoak atzean. Behean Canal Roya.

 Ezkerreko elurgune ederretik jetsi gara.Elurra ondo mantentzen da eta berehala egin dugu jetsiera.

 Eta berriz Culivillas sakanera jeistera goaz. Infiernoak, Algas eta abarrak aurrean.

 Izotza errekatxoetan.

 Balaitús eta Frondiellak. Eskuinean Deabruaren ertza agertzen da.

 Xarma handia daukate izotzak sortutako formek.
 Hor goian egon gara, Espelunciecha. Hau Culivillas sakanetik ikusita.

 Inguru izoztua. Hemen itzalean, hotza egiten du, nahiz eta arratsaldeko hirurak izan.

 Izotzaren irudiekin gozatzen.


 Picos del Infierno.

 Ilargia ere azaldu da izotzarekin batera.

 Kandelak.

 Pasabide kuriosoan.

 Atera gara sakanetik. Culivillas tontorra erdian. Hemendik laster helduko gara aparkalekura. Bost bat orduko ibilaldia izan da. Dena egin dugu erraketak jarrita. Gozatzekoa.

Ibilbidea



2023/12/25

🏔️Pico El Portalet/ESTREMERA eta 🏔️PIC ESTREMERE 2160 mt

      2023-12-10 Gaur eguraldi goibel eta hotza daukagu. Plan zehatzik gabe, PORTALET Mendatera igo dugu. Duela lau egun ere hemen izan ginen eta kotxetik bertatik atera ginen erraketak jarrita Canal Roya-ra. Izugarria da egun gutxi hauetan inguruak izan duen aldaketa. Elur pila desagertu da.

 Mendateko aparkalekuan utzi kotxea eta Estrèmere aldera joatea erabaki dugu. Ez dugu material berezirik eramango. Erabat hodeitsua dago eta  ikusiko dugu noraino heltzen garen. Alde honetan ere hainbat aldiz ibili gara eta ezaguna da. Peyreget ikusten da, baina Midi estalita dago.

 Espelunciecha. Penagarri dago. Pistak itxita daude.

 Hegoaldean argiago dago, baina hodeiak sartzen ari dira.
Sallent-eko Mendate Zaharrera doan  bidezidorra jarraitzen.  Gero bide hau utzi eta gure ezkerrera hartuko dugu mugarriak jarraituz. Anèou-ko tontorrak Portalet-aren beste aldean.

 Espelunciecha eta Anayet.

 Sallent-eko Mendate Zaharrera joan gabe, zuzenian igo dugu, mugarriak jarraituz. Lepotxo honetara ateratzen da, putzu izoztu baten ondora. Espelunciecha, Anayet eta Anèou atzean.

 Portalet behean geratzen da. Irudi dotorea eskeintzen du.

 Anayet-eko bi tontorrak. Zerua gero eta goibelagoa.
 Orain goiko aldean, bidezidorra ea ertzetik doa eta Portalet eta Anèou zirkoko tontorrak ditugu ikusgai.
 Bidezidorrean. Laster elur apur bat zapaltzen hasiko gara, baina arazorik gabe.

 Lehenbiziko tontorrera heltzen. PIC DE PORTALET (2131m) jartzen du harkaitz batean.


 Tontorrean. Hemen euria hasi da. Sirimiria...

 Paisaia desagertu egin da. Hodeiak sartu dira denean.

 Baina beste tontorra, altuagoa, oso gertu dago eta nahiz eta euria gero eta gehiago ari duen, joan gara. Hor goian dago tontorra.

 PIC D'ESTREMERE (2160m).


 Euripean eta paisaia erabat izkutatuta.


 Alboan dauden mendiak, Baldetosas, Peyrelue, e.a. ere ez dira ikusten.

 Berehala hartuko dugu beheruntzako bidea. Toki beretik noski.

 
 Peyrelue laku izoztuari azkenengo argazkia atera eta kamera motxilan gorde eta behera. Bi ordu eta 45 minututan egin dugu itzuli osoa, eta lasai ibilita.



 Eta nola diren gauzak, arratsaldean Tramacastilla-tik izugarrizko ilunabarra bizitzeko aukera izan dugu. Telera aldea.

 Corona del Mallo.

 Espektakularra izan da.

 Partacua. Izugarri dotorea jarri da. Eguna bikain bukatzeko irudiak.