🏔️BALDETOSAS 2238 MT Col du Portalet(e)tik abiatuta

 

 2025-02-02 Telera etxetik. Aurtengo negua ere elur gutxikoa izaten ari da. Baina justu bezperan elurte dotorea egin zuen eta mendia berriz txukun jarri da. Gu, dagoeneko, dezente ibili gara elurretan, baina lehendik ibilitako tokietan.

 2025-02-03 PORTALET. Askotan bezala gure elurrezko jolastokira etorri gara, helburu zehatzik gabe. Itzuli laburra egiteko asmoz hasi dugu ibilbidea. Kotxean bertan erraketak ipini eta Sallent-eko Mendate Zaharreruntz doazen arrasto nabarmenak jarraitzen hasi gara.

 Elurra oso biguna dago, eta beheko aldean arrasto ugari daude, bai erraketenak, bai eskienak. Guk, markatuena hartu dugu.

 Espelunciecha eta Anayet, mendatearen beste aldean.

 Puerto Viejo de Sallent-eruntz. Oraindik arrasto dotorea daukagu. Eguraldia bikaina, baina hotza. Atzean, Gralleras-etik Arazures mendira doan mendigunea, Anèou zirkoa. Normalean, alde horretan ibiltzen gara.

 Erraketen arrastoak Sallent-eko Mendate Zaharrean bukatzen dira. Eskiatzaile batzuk doaz aurrean, baina hauek hor aurrean ikusten dugun Peiralún-era doaz.

 Peyrelue mendatean gaude. Hemen eskuineruntz hartuko dugu.

 Santiago-rako bidea ere igaro da hemendik.

 Eremu egokienak bilatzen igotzeko. Toki batzutan elur metaketak daude eta oso biguna. Horregatik, elur gutxien dagoen edota erdi izoztutako tokietatik gora goaz. Telera eta Partacua atzean.

Estremera igoera

 Mazela zabala da eta sigi-saga luzeak egiten goaz goruntz. Belarra agertzen den tokietan, elur gutxiago eta gogorragoa dago eta horiek ari gara baliatzen.

 Elur gogorreko zatiak. Erraketekin oso ondo igotzen da.

 Atzean, Estremère mendia, eta Peyreget eta Midi d'Ossau.

 Goiko aldean, eskuineko ertzera hurbilduko gara, bai ikuspegi eta bai elur hobeak ditugulako.

Tontorra oraindik ikusten duguna baino atzerago dago. Eskuinean, Foratata, Infiernoak, Garmo Negro-Algas.

 Ertzetik gora, eguraldi eta paisai bikainekin.

 Hemen gozatzen. Bakar bakarrik gaude. Eskiatzaile guztiak alboko Peiralún aldera doaz.

 Gero eta gertuago. Ezkerrean, Ferraturas aldea.

 Azkenengo zatia.

 BALDETOSAS (2238m). Tontor berria guretzat. Pare bat ordutan behetik. Foratata, Infiernoak, Garmo Negro, Tebarray, Llena Cantal, e.a. atzean.

 Aurrean daukagun panorama.

 Ikuspegi bikaina tontor txiki honek eskeintzen duena.

 Gure ezkerrean. Eskiatzaileak Peiralún-en aurre-tontorrera igo dira, gero pala jeisteko.

 Lanuza urtegia gure azpian. Pacino, Foratata, Garmo Negro-Algas-Argualas, Tendeñera-Sabocós,...

 Balaitús-Frondiellas, Llena Cantal, Tebarray,... besteak beste.

 Hor behean jende gehiago dabil,...

 Hau da lasaitasuna!... Arroyeras, Anayet eta Anéou zirkoko tontorrei begira.

 Vértice eta Pico Anayet, Las Negras, Aspe-Llena de la Garganta-Llena del Bozo.

Jean Pierre.

 Culivillas eta Arroyeras aurrean, eta Collarada, Pala de Ip, Tronquera atzean.

 Pico Bucuesa, Cuchillares, Punta Escarra.

 Balaitús, Cadier Orratza-Frondiellas.

Jeisterako elurguneak baliatu ditugu. Nahiz eta biguna egon, erraketekin oso ondo jeisten da. Gure arrasto galkorrak.

 Igoera eskuineko aldetik egin dugu. Orain elur gehiago duten eremuak baliatzen.

 Kanal batetik behera.

 Gure arrastoak kanalean.

 Puerto Viejo de Sallent-en. Orain, Portalet-era doan "autopista" hartu eta, arrasto zabala jarraituz, kotxeraino.

 Portalet-en izotz-kandela ugari, nahiz eta arratsaldeko hirurak izan. 0º-ko tenperatura ordu hauetan. Lau bat orduko ibilaldia izan da. Erraketak kendu gabe kotxetik kotxera. Nahiz eta tontor txikia izan, guretzat berria, eta asko gozatu dugu.

 

IBILBIDEA

⛰️TOSSAL DE SANT JORDI Camarasatik eta ⛰️MOLA DE LORD. ⛪Santuari de Lord. El Solsonés

 Lleida lurraldean.

 ⛰️TOSSAL DE SANT JORDI Camarasatik 

2024-12-26 Sant Estebe eguna. Katalunian jai eguna. Egun batzuk pasatzen ari gara Camarasa herrian (Lleida), eta gaur, semeak gidatuta, herriaren inguruak ezagutzera goaz. Hau, Camarasa-ko Santa Maria eliza da.

  

 Zati arriskutsua omen da.

 Sant Jordi baselizara igotzera goaz. Zati txiki bat pistatik egingo dugu, baina berehala hartuko dugu igoera zuzena, nahiko basatia.

 Pista utzi eta sakan honetatik gora hartu dugu. Bidezidor estua eta labainkorra, mugarriekin markatuta.

 Harkaitz bloke batzuk gainditu behar dira, eta eskuak erabili.

 Sakanetik irten ondoren, igoera oso polita da. Cova dels Graons-era heltzen.

Cova del Graons. Txikia da.

 Kobatik gora "ferrata" zati bat daukagu. Erraza eta polita.

 Nahiko bertikala da, baina ondo igotzen da. Xarma berezia ematen dio igoerari.

 SANT JORDI baseliza. Camarasa-ko baselizetako bat. Toki estrategikoetan kokatuta daude denak.

 Behean Camarasa herria, eta ingurua.

Forat bufador de Sant Jordi. Orain goiko lautadatik goaz, mendiaren beste aldera, Mu gaineko ertzera.

EL MU. Camarasa-ko urtegia eta eskalatzeko hormak.

 Bide dotorea, ertzetik. Hemen ere, hormak ditugu gure azpian.

2023an "pasarelas del MU" ibili ginenean. Hauek orain gabiltzan ertzaren azpian daude.

Erromeroa.

 Semearen adierazpenak entzuten.

⛰️TOSSAL DE SANT JORDI

 Jetsiera beste bide batetik egingo dugu.

Aurrean daukagu Camarasa. Ezkerreko pistara jetsiko gara eta hortik herrira. Hiru ordu t'erdiko ibilaldia bukatuko dugu.

                                  Tossal de Sant Jordi Ibilbidea

                                       

Balaguer

EL SOLSONES

 2024-12-27 Goizean Camarasa-tik Sant Llorenç de Morunys herrira etorri gara eta bertatik TUIXENT-LA VANSA eski-estaziora igo dugu, ingurua apur bat ezagutzeko. Bertatik Pedraforca mendi dotorea daukagu ikusgai.

 Cadí mendiguneko Costa Cabirolera ere ikus dezakegu. Hau, Bartzelona probintziako garaiena omen da.

   

 Cadí mendigunea. Elur oso gutxi bai Cadí-n eta baita gauden eski-estazioan.

 Arratsaldean SANT LLORENÇ DE MORUNYS herria bisitatu dugu. Herri polita, txikia eta txukuna. Egon garen estazioaz aparte, beste bat ere badu, Port del Comte-n. Hori martxan dabil, elur gutxirekin, eta herrian mugimendua nabaritzen da.

 Herriaren alde zaharra.

 Caga Tió. Gabonetako ohitura.

 Iluntzean SOLSONA-ra joan gara. Bertan igaroko dugu gaua. Alde zaharra oso interesantea da.

⛰️MOLA DE LORD. ⛪Santuari de Lord.

 

 2024-12-28 Gaur berriz Sant Llorenç de Morunys-era itzuli gara eta bertatik errepide estua jarraituz, Santuari de Lord-en azpian dagoen aparkalekura heldu gara.

 Hemen agertzen den ibilbide zirkularra egitea da asmoa. Baina "bariante"-ren bat gehituko dugu azkenean, eta basurdeen terrenoetan ere sartuko gara...

 

 Lehenbizi santutegira igoko dugu. Eskilara ugari eta aldapa nahiko tentea. Benetako "Via Crucis"-a. Baina hau da gora heltzeko bidea. Ez dago errepiderik.

 Santutegiaren gainean dagoen tontortxora igo dugu, eta hau da bertatik dagoen ikuspegia. Llosa del Cavall urtegia eta inguru dotorea.

Pantá del Llosa del Cavall

⛰️MOLA DE LORD

 LORD SANTUTEGIA. Toki bikainean dago kokatuta.

 Santutegia utzi eta urtegiruntz jeisten den bidea hartu dugu.

 Llosa del Cavall.

 Sant Jaume ermita bidean dago.

 Sant Jaume.

 Josep Cases behatokira heldu gara. Bertatik, urtegiaren beste aldean dagoen Cases de Posada

dugu ikusgai. Toki bitxia.

 Urtegia.

 Behatokian.

 Behatokitik, bide estu eta malkartsua hartu dugu Balmes del Verger kobazuloetara heltzeko. Santutegiko hormen azpian daude izkutatuta.

 Gure gainean dauden horma dotoreak. Santutegia goian geratzen da.

Balmes del Verger

 Toki aparta hau. Balizatutako bidetik alde batera geratzen da, eta bakarrik gaude.

 Urtegia behean geratzen da.

 Ondoren, inprobisatzen hasi gara eta hormen azpitik ea bideren bat dagoen aztertzen hasi gara, santutegira ezkerretik igotzeko, baina sastraka eta landaretza ugarirekin egin dugu topo, eta bide ofizialera itzuli gara aparkalekura heltzeko.

Mola-de-lord-santuari-de-lord-ibilbidea

 Ondoren, Sant Llorenç-etik Jou mendatea igaro eta ODEN-era hurbildu gara. Eguerdia da eta oraindik izotza dago toki itzaletan. Gauean hotz galanta ari du egiten.

 Eguzkitan bazkaldu dugu, aintzinako eskolaren ondoan, gaztelura oinez joan aurretik.

 Montserrat mendigunea ikusten dugu urrutian.

 Hamar bat minututan heldu gara Santa Zezilia ermitara. Gainean dago gaztelua.

 XI. mendekoa da ermita hau.

 Gero gaztelura igo dugu. Erdi erorita dago.

 Montserrat, Odén-eko gaztelutik.

 Arratsaldean Solsona-ra itzuli gara, Lladurs herritik igaro den errepidetik.

 Eta ilunabarra bizitzeko, CASTELLVELL-era igo dugu.

 Solsona herria gaztelutik.

 Gazteluko lorategia.

 Solsona.

 Port del Comte inguruak. Hor zehar ibili gara lehen.

 Gazteluko lorategian.

 Argi dago non gauden.

 Eta bukatzeko, hurrengo goizaldean pasiada bat Solsona-ko alde zaharreko kaleetatik.

 Herria esnatzen... eta gu gure Solsonés-eko bidaia bukatzen.