BALANDRAU 2.585 m.

2017-08-19 Gaurko mendi lasai bat aukeratu dugu, Balandrau. Horretarako, Vilallonga de Ter-etik Setcases-eruntz hartu dugu, baina km gutxira ezkerrera errepide estu bat hartu dugu Tregurá de Delt herrira. Gero, ea bost km jarraitu dugu Ribes de Freser-era doan pistatik gora. Hau da ongi-etorria ematen dagoen taldea.

Seinale hauen ondoan utzi dugu kotxea. Hau da ibilbidearen abiapuntua.

Bidea oso sinplea da, pista bat jarraitzea. Aurrean daukagu Collada del Moro eta Puig de Fontlletera mendia. Horren ezkerrean dagoen leporaino jarraituko dugu pista.

Behiak Collada del Moro-n.

Fondoan dago Tres Pics lepoa. Bere ezkerrean, Tres Pics eta Balandrau eta eskuinean, Puig de Fontlletera. Orain muino eta bizkar lasaiak ikusten ditugun toki honetan 2000. urteko Gabon Zahar egunean Estatuan gertatu den mendiko tragedia handiena gertatu zen. Egun lasaia zirudien, baina bapatean Torb izeneko ekaitzak 8 mendizale harrapatu zituen eta horietako 7 bertan zendu ziren. Egun berean, Pirinioan beste 4 mendizale ere hil ziren.

Behiak lasai putzuaren ondoan eta atzean Balandra. Hodeiak sartzen hasi dira, baina ez da espero Torb-a. Lepoa ere ikusten da, eta bertara heltzen den pista.

Putrea.

Balandrau eta Tres Pics. Laster ez ditugu ikusiko.

Lepoa baino beherago Lletera iturria ikusiko dugu pista ertzean.

Zaldiak lasai haizearen babesean.

Tres Pics lepora heldu eta hodei artean sartu gara. Handik gora bidea oso nabarmena da, eta mugarriz ondo markatuta dago.

Zuloan Coma de la Vaca eta eskuinean ikusten da bertara jeisten den bidea.

Bidezidorra jarraitzen. Tontorra eskuinean dago, baina ez dugu ezer ikusten.

BALANDRAU (2585m). Ez da giro tontorrean, eta ikusmena nulua denez, ez gara denbora asko egongo. Igoera erraza, baina argi dago ezin dela gutxietsi, baldintzak ez badira egokiak edo asko okertzen direnean.

Beheruntz, Tres Pics lepora. Ezkerrean, Coma de la Vaca. Momentu batzutan hodeiak igo egiten dira eta zerbait ikustea ahal dugu.

Lorak pozoitsuak omen dira, ez dirudite.

Zaldiek hor jarraitzen dute babesgunean. Gu, pistatik berriz behera.

Eta kotxea utzi dugun tokian hasierako espektakulu berdina, putreak inguruak kontrolatzen.

Pistatik behera jeisten ari garela Tregurá-ra, Setcases herria ikusten dugu zuloan eta Costabona goian. Eguerdirako Campodrón-en gaude eta zerbait jan eta edan ondoren, Vielha-rako bidea egingo dugu. Hori izango da hurrengo geltokia.

GRA DE FAJOL, 2.714 m. BASTIMENTS, 2.882 m. PIC DE LA DONA, 2.704 m. Ulldeter.

2017-08-18 Ulldeter-eko aparkalekuan gaude, Vallter 2000 estazioa baino apur bat lehenago. Estazioa inguratzen duen mendilerroa ibiltzea da gaurko asmoa. Udan, erraz ibiltzeko tokiak dira, eta jende asko dabil, batez ere Bastiments mendian. Guk hau ezagutzen dugu, baina beste biak ez.

Ulldeter aterpera igotzen goazen bitartean, aurrean daukagu lehenbiziko helburua, Gra de Fajol.

GR 11 eta Refugios del Torb ibilbideak hemendik igaro dira.

Aterpea. 2002an izan ginen bi familia hemen.

2002an

Aukera eta ibilbide ugari daude hemen.

Gra de Fajol ezkerrean daukagu orain. Eskuinean ikusten den aldetik dauka igoera arrunta. Hemen neguan kanal dotoreak sortzen dira eskalatzeko.

Bastiments.

Gra de Fajol eta Bastiments-en artean dagoen La Marrana lepora igo behar dugu. Gu gora eta behiak beheruntz.

Aurrean daukagu La Marrana lepoa. Jende ugari gora eta behera. Gehienak Bastiments-era.

La Marrana lepoan. Hemen ezkerrera hartuko dugu lehenbizi.

Gra de Fajol-era igotzen. Atzean Pic de l'Infern. 2002an egon ginen hor.

Marrana lepoa eta Bastiments. Gero hortik igoko dugu.

Aldapa handia baina ez oso luzea.

Goian malda leundu egiten da. Gertu daukagu tontorra.

Bezperakoak.

Canigó. Hau urrutiago geratzen da.

GRA DE FAJOL(2714m). Ordu t´erdi kotxetik. Atzean, Bastiments.

Tontorrean, atzean Costabona.

Setcases ingurua zuloan.

Puigmal eta Nuria-ko mendiak.

Marrana lepora jeisten.

Lepoa behean utzi eta Bastiments-eko aldapa luzea igotzen. Gra de Fajol eta igoerako bidea eskuinean.

Luzea eta apur bat astuna egiten da Bastiments-eko igoera. Baina bagoaz.

BASTIMENTS (2882m). Ez da erraza jenderik gabe atertzea argazkiak.

2002an

Bi tontor ditu mendi honek. Atzean ikusten da lehena, eta ezkerrean gero jarraituko dugun ertza Pic de la Dona-ra.

Pic de Freser, Pic de l'Infern,..., eta fondoan Puigmal.

"Anbientea" bi tontorren artean.

Bacivers-eko lakua.

Gu bagoaz Pic de la Dona-runtz. "Anbienteak" hor jarraitzen du. Gu orain ea bakarrik ibiliko gara alde honetan.

Batzuk hemendik igotzen dute Bastiments-era. Guk jetsi egin dugu, eta malda handiaz aparte, erraza da.

Bastiments atzean uzten. Orain bizkar zabaletik doa bidea.

Eta gertu daukagu Pic de la Dona.

PIC DE LA DONA (2704m). Atzean, aurreko planoan beste biak, Gra de Fajol eta Bastiments. Inguratu dugu Vallter 2000 estazioa.

Bastiments-etik hona egin dugun ibilbidea. Eskuinean Pic de Prat de Bacivers eta erdian geratzen da Bacivers lakua.

Tontorrean. Atzean Bastiments.

Iparraldean, Canigó eta Mantet aldea.

Zirkuitoa borobiltzeko, Porteilla de Mantet-era jetsiko gara. Pic de la Dona atzean uzten.

Erdian daukagu Mantet lepoa. Atzean, Roca Colom.

    

Mantet lepoko balizak. Guri estaziora jeistea geratzen zaigu.

Dona-tik jeisteko ekarri dugun bidea. Ezkerrean atzean, Bastiments.

Estaziora heltzen, Mantet-etik behera jetsi dugun sakana, GRaren markekin. Horrela bukatu dugu Vallter 2000 estazioaren gainean dagoen zirkuito dotore eta erraza. Bost bat ordu behar izan ditugu dena egiteko.

Vilallonga de Ter-era itzuli aurretik bidean daukagun Setcases herria bisitatu dugu. Hau da eliza.

Gero denbora izan dugu Campodrón-era jeisteko eta herri dotore hau ezagutzeko. Zubi famatua.

Herri turistikoa da eta jende asko dabil kaleetan.        

Sant Pere monastegia.

Eta Vilallonga-ra itzultzerakoan Llanars-en beste geldialdi bat bertako eliza ikusi eta zerbait hartzeko. Bihar azkenengo eguna inguru hauetan.