⛰️PINIECHO biak 2566 mt , ⛰️ 2526 mt , ⛰️ eta TABLATO/SERRATO 2701 TABLATO mt

 

 

 2023-08-09 PANTICOSA BAINUETXEA (1630m). Hemen gaude berriz. Oraindik igo gabeko mendi batzuk geratzen zaizkigu eta horietakoren bat igotzeko asmoz gaude. Goizeko 7,10ean prest gaude hasteko. Brazato-ra doan bidea hartuko dugu.

 Baina ordulaurden bat ibili ondoren Brazato lakuetara doan bidetik, bidegurutze horretan, bidea utzi eta Brazato sakanera doan bidea hartu dugu. Forátulas-era igo genuenean ezagutu genuen, eta askoz zuzenagoa eta bakartia denez, gustatu zitzaigun.

 

 Sarrioak dira gure bidelagun bakarrak. Hemendik oso jende gutxi ibiltzen da. Hasieran aldapa tentea dauka, baina ondo jarraitzen da. Mugarriek ondo markatzen digute bidea.

 Momentu batean, aldapa lasaitzen denean, Brazato errekatxoa zeharkatzen da. Ur gutxirekin dator.

 Ondoren, zati lasai eta erosoa dator pinaditik. Igoera guztian, nahiko gora heldu arte itzalean goaz eta asko eskertzen da. Beroa egiten du.

 Lora ugari bidean.

 Basotik atera eta aurrean ikusten dugu Tablato, printzipioz gaurko lehen helburua.

 Basoa atzean uzten. Hemen sakana zabaltzen da.

 Atzean, Argualas-Garmo Negro-Pondiellos-Arnales-Infiernos.

 Tablato aurrean. Hor 1989an egon ginen, baina elurrarekin eta ezkerreko ertzetik igota. Gaur asmoa, eskuinetik igotzea da, errazagoa baita.

 Sakanetik gora. Hemen Brazato-ko Beheko lakuaren azpian gaude gutxi gorabehera.

 Belar eta lora artean igotzen. Aurrean Dera Tablato tontorra daukagu. Tablato horren ezkerrean geratzen da.

 Atzera begira, duela gutxi igotako Pico de los Ibones de Pezico daukagu. Ea ez da bereizten, Gran Facha handiaren aurrean geratzen baita.

 Dera Tablato-ren azpiko harritzara irteten.

 Hemen gure plana erabat aldatu dugu. Ezaguna dugun Forátulas-eko mendatera igoko dugu eta beste aldean dauden Piniechoak igotzea pentsatu dugu. Hauek ez ditugu ezagutzen, eta badakigu inguru oso gogorra eta bakartia dela. Ea nola moldatzen garen.

 Beraz Forátulas lepora igotzeari ekin diogu. Brazato urtegia eta Batanes-Labaza gure ezkerraldean.

 Forátulas lepora heltzen (2475m). Atzean, Forátulas-etako bat.

 Lepotik Forátulas edo Piniecho? lakua ikusten dugu. Atzean, Sandiniés eta Tramacastilla de Tena eta Partacua mendikatea.

 Aurrean bi Piniechoak. Lehenbizi beheko zulora jetsi behar dugu, hainbeste kostatutako ehun ta piku metroko desnibela galduz, eta ondoren jarraituko dugun lerroa, bi Piniechoen arteko mendatera igotzeko. Inguru gogorra, bloke artean eta inongo biderik gabe.

 Ikusten den lerrotik jetsi gara Basa Forátula-ra. Bi Forátulak eta mendatea goian. FORATULAK igoera

 Hemen hasten da beste bloke-festa bat. Mendebaldeko Piniecho, garaiena, aurrean. Lehenbizi horra igoko dugu.

 Zati gogorra, bai igarotakoa, bai geratzen zaiguna. Atzean, Forátulak ezkerrean eta Dera Tablato eskuinean. Erdian lehen igotako Forátulas mendatea eta bere atzean, Batanes.

 Sarrioak bi Piniechoen mendatetik behera. Horiek bai bizi eta trebe.

 Ez da inguru erosoa hau. Atzean, gero igoko dugun beste Piniechoa eta Tablato. Eta Vignemale, Brazato urtegia, Baciás,...

 PINIECHO OCCIDENTAL (2566m). Aurrean, Telera-Retona-Escarra-Pala de Ip-...Anayet

 Guk etxetik ikusten dugu tontor hau, baina ez da erraza hona heltzea. Ez dabil inor!

 Ripera harana (hortik ere igo daiteke hona...), Pico de las Escuellas eta Tendeñera-Sabocós mendilerroa.

 Gaurko hirugarren tontorrari begira. Oraindik geratzen zaigu apur bat.

 Forátula biak eta Xuans-Batanes-Labaza.

 Vignemale-Montferrat

 Baldairán, Catieras aldea, Mallarruego. Pirinioko "gourmetentzako" mendiak.

 Bien arteko lepora jeisten.

 Beste tontorrera igotzen. Hemen ere eremu berbera, blokeak, trepada txikiren bat,...

 PINIECHO ORIENTAL edo PUNTA LAS BLANCAS(2526m). Atzean bestea. Hemen egbeste bikote batekin egin dugu topo. Beraientzat ere sorpresa izan da. Gaur ikusi ditugun bakarrak.

 Beste aldera jeisten, bloke artean, nola ez. Argualas-Garmo Negro ezkerrean.

 Hau da bloke-festa. Egiten duen beroarekin, oso gogorra egiten ari zaigu ibilbidea.

 Eta aurrean geratzen zaiguna Tablato-ra igotzeko. Beste aldapa bortitza.

 Cuello Bajo de Brazato-ra igotzen. Bi Piniechoak atzean.

 Eta lepotik gora. Hasiera belar artean. gero harkaitzak.

 Goiko ertzera hurbiltzen. Brazato urtegia, Xuans, Batanes, Baciás,...

 Azkenengo zatia. Ez da zaila, baina jadanik luze egiten da.

 TABLATO(2701m). SERRATO ere deitzen zaio. Baciás eta Vignemale mendikatea.

1989-05-26 Tontorrera heltzen Brazato aldeko ertzetik. 34 urte pasa dira...

 Brazato urtegia eta beheko lakua. Atzean Gran Facha ezkerrean, eta Xuans-Serrato-Batanes-Labaza-Aratille-Neveras.

 Bujaruelo aldera begira.

 Brazato sakana. Hortik igo dugu eta jetsiko gara.

 Moskowa korridorea Cerbillona eta Pico Central artean.

 Baldairán eta Tendeñera-Forato.

 Bi Piniechoak, nahiz eta hemendik tontor bakarri dirudien, eta Telera-Pala de Ip mendikate guztia.

 Cuello Bajo de Brazato-ra jetsi gara eta orain hortik behera. Jetsiera latza hau ere!

 Tablato eta bere diagonala. Neguan igotzen da.

 Gure jetsiera Cuello Bajo de Brazato-tik. Gogorra.

 Belar eta lora artean Brazato sakaneko goi aldean. Hainbeste harkaitz igaro ondoren, oso ondo dator herrelako eremuan ibiltzea.

 Eta baita basoan sartu eta itzalean ibiltzea. Azkenean 9 orduko ibilaldi gogorra egin dugu. Inguru oso bakartia beti. Baina Casa de Piedra aterpean jango dugun bokatak eta garagardo erraldoiak eguneko nekeak arintzeko balioko dute. Orduan bai gozamena!

IBILBIDEA