BRAZATO 2731 mt

 

 2022-08-10  Goizeko 7,15ak dira eta prest gaude ibilaldia hasteko. Aurten, epe laburrean lau bat aldiz izan gara Panticosa-ko bainuetxean. Gaur hemen gaude berriz, duela urte asko igo geneuen Brazato mendia berriz igotzeko asmoz.

 Eguzkia Argualas eta Garmo Negro aldean. Gu berriz, itzalean ea Brazato urtegira igo arte. Horregatik etorri gara aurten hainbeste aldiz alde honetara.

 Argualas-Garmo Negro.

 Brazato-ra doan ohiko bidean.

 Txilarra.

 Bidegurutzea. Gaur eskuinera. Ezkerretik Labaza lakuetara eta Xuans, Batanes, Serrato aldera joaten da.

 Eskuinean geratzen dira duela gutxi ezagututako Foratulas tontorrak.FORATULAK

 

 Urtegira heldu baino lehen agertzen dira aurrean bi Brazatoak. Gu ezkerrekora goaz gaur.

 Brazato urtegian gaude. Tontorrak aurrean. Orain presa zeharkatuko dugu, ezkerrean utzita Baciás-era doan bidea.

 Presa zeharkatzen. Aurrean daukagun tontorrera goaz. Eskuin aldetik igoko dugu, ondoren zuzenean jeisteko urtegira.

 Brazato-ko Beheko lakua eta Feniás-Argualas-Algas-Garmo Negro-Pondiellos-Infiernos-Punta Zarre mendilerroa atzean.

 Urtegia behean utzi eta goruntz goaz. Atzean, Infiernos, Punta Zarre, Gran Facha,... Hemen gure ezkerrerago hartu behar genuen, baina mugarri batzuk jarraituz gora egin dugu.

 Peña Brazato-ren oinera heldu garenean hartu dugu ezkerrera. Harritza nahiko penagarria igaro behar izan dugu. Gure tontorra ezkerrerago geratzen da. Biek dute antzeko altuera.

 Behean eta atzean daukagun panorama ezaguna.

 Harkaitz bloke artean igotzen. Aldapa gogorra bukaeran.

 Tontorrera heltzen. Atzean Baldairán eta, atzerago, Tendeñera.

 PICO BRAZATO (2731m). Brazato urtegia eta Beheko lakua.

 Lasaitasun galanta. Ez dator mendizale asko tontor hauetara. Alde honetan Baciás da bisitatuena. Vignemale-ri begira.

1997

 Ara harana eta Vignemale-Montferrat-Tapou-Milieu. Hortik doa Moskowa korridore ederra.

 Aurrean Labaza lakuen eremua eta adierazitakoak atzean.

 Hauek gertuago geratzen dira.

 Tontorreko ikuspegi bikainetaz bakardadean gozatu ondoren, bagoaz beheruntz. Aldapa tentea goiko aldean.

 Orain mugarriz balizatutako bide egokia hartu dugu. Hau zuzenean doa urtegira. Baciás eta Batanes ezkerrean.

 Gure tontorra ezkerrekoa da. Bere oineko harritzatik behera. Eskuinean Punta Brazato.

 Urtegia eta atzeko dekoratu bikaina. Infiernoak eta abarrak.

 Urtegira heltzen. Tontorra goian.

 Kolore politak orain. Toki ederra da hau. Urtegiaren beste aldean dabiltza mendizale gehienak.

 Gozamena!

 Orain urtegiaren ertzetik presaraino.

  Gure tontorra ezkerrean eta erdian bere anaia. Eskuinean, Tablato.

 Presa zeharkatzen GRa hartu eta Bainuetxera jeisteko. Hiruretarako Casa de Piedra aterpean gaude, bokata eta garagardoak hartzen. Beste egun dotore bat Panticosa-ko inguruetan.

IBILBIDEA

PÈNE de PEYREGET(2252m). Portalet-etik. Bi igoera.

 

 2022-07-26 PÈNE DE PEYREGET

 

 Gaurko igoera bakarrik egin dut. Mendi berria ezagutzera noa, nahiz eta bidea ezaguna izan L'Iou mendateraino. Behelaino galanta Portalet-en.

 Ihintza.

Pombie mendatera igotzen noa eta behelainoak berehala geratzen dira Portalet mendatean atxikituta.

 Arroyetas, Espelunciecha, Anayet, Anèou,... Pombie mendatea baino apur bat beherago ezkerrera hartu eta L'Iou-ra doan bide erosoa hartu dut.

 Bide polita eta bakartia ordu hauetan. Anéou-ko tontorrak. Harana hodeipean.

 Ferraturas-Soques-Soba mendikatea Portalet-en beste aldean.

 Abereak Anèou-ko muino batean, irla bat bezala.

 Balkoi dotorea da bide hau. Iparraldetik badatoz batzuk, Midi-ko itzulia egiten.

 L'Iou mendatean nago. Aurrean daukat gaurko tontorra. Hemendik aurrera ez dago bide garbirik, baina oso nabarmena da. Apur bat jetsi eta erdialdetik jarraitu ertza hartzera.

 Midi d'Ossau-ren tontor eta hormak eskuinean geratzen dira.

 Ertzaren hasieran. Tontor hau gehiago bereizten da Bious aldetik ikusita, handik branka ikusgarri baten itxura du eta. Ezkerreko amildegia handia da baina ez da zaila. Hasieran gainetik joan behar da eta momentu batean, azkenengo irtengunea gainditzeko, eskuinetik dagoen bidezidor estua jarraitu azkenengo maldetara heltzeko.

 Edelweis ugari goiko alde honetan.

 Bious Artigues ere hodeipean. Atzean ikusten den bi buruko mendia Cèzy da. Ezkerrean, Pic d'Aule aldea.

 PÈNE DE PEYREGET (2252m). Pare bat ordutan kotxetik. L'Iou mendatea hor ikusten da. Mendi polita goiz lasai bat igarotzeko.

 Peyreget lakua eta mendatea eta Midi. Gaur ez naiz hortik itzuliko.

 Anayet aldera begira.

 Cèzy hodeietatik bere bi buruak ateratzen.

 Astún aldeko tontorrak eta Borau-Aspe-Llena de la Garganta-Llena del Bozo eta, eskuinean, Bisaurín.

 Hau da pasa behar den ertza, tontorretik ikusita. Atzean, L'Iou.

 Jetsiera toki beretik egin dut. Ni Anéou-ko aparkalekura eta artaldea Pombie mendateruntz.

 Artzaia ardiekin. Ni gustora, goiz polita pasa eta tontor berria ezagutu ondoren.

---------------------------------------------------------------------------------------------------------------------------------

 

2022-08-08 PENÈ DE PEYREGET zirkularra

 12 egun beranduago hemen gaude berriz Anèou-ko aparkalekuan. Gaur biok. Zenbat aldiz ibili gara inguru hauetan, eta urtaro guztietan? Gaur ere Pombie-rako bidea hartuko dugu, gero L'Iou mendatera joateko.

 Behiak eta Anéou-ko tontorrak. Prisa askorik gabe gabiltza, ibilbidea luzea ez dela eta...

 Pombie mendatea atzean utzi eta L'Iou-ra doan bide oso panoramikoan. Anayet eta Anéou-ko tontorrak gertu.

 L'Iou lepoan gaude. Aurrean Midi eta gero itzultzeko erabiliko dugun bidea, Peyreget lepotik.

 Tontor ezagunak Astún alderuntz.

 Gure mendiaren ertzean. Hasieran dena goitik. Ondo ibiltzen da, nahiz eta eskuinean amildegia egon. L'Iou lepoa Izasen atzean.

 Gave de Bious-eko artzai txabolak. Gure tontorraren amildegien azpian daue kokatuta.

 PENE DE PEYREGET tontorretik Bious eta Ayous aldeko mendiak. Casterau-ren atzean, Hourquette, Larry, Ayous.

 Tontorrean Midirekin. Eskuinean gero igoko dugun Peyreget lepoa.

 Edelweis asko oraindik ere, nahiz eta oso lehorrak egon.

 Mendi honetan ikusi dugun bakarra emakume artzai hori izan da. Zaldiak L'Iou aldean utzi ondoren hor dabil inguruak aztertzen.

 Peyreget lakura jetsi gara, egokien iruditu zaigun tokitik, eta hemen Pombie-ra doan GRarekin egin dugu topo. Orain Peyreget lepora igoko dugu. Midi aurrean.

 Atzera begira, egin ditugun igoera eta jetsiera. Hau da Peyreget lakua.

 Petit eta Grand Midi, Peyreget lepora hurbiltzen gaudela.

 Peyreget lepoan (2320m). Midi atzean. Igotako tontorra baino altuago gaude hemen.

 Pombie-ra jeisten dagoen laku dotorea.

 Midi-ren tontorrak eta Fourche bretxa eta harritza.

 Marmota.

 Etxeko atarian.

 Pombie. Atzean, Lurien, Palas, Balaitús, Arrious sakana, Arriel, Soba,... Hemen jendetza, beti bezala.

Soum de Pombie mendatean. Orain beheruntz. Laster bukatuko dugu ibilbidea. Beste goiz eder bat inguru oso dotorean. Eta ea gehiena masifikaziorik gabe...

Ibilbidea