PUY ARCOL 2417 mt , La Sarratik

     

Sallent-etik oso ondo ikusten den mendia da Puy Arcol. Gainean dago. Ibonciecho aldean hainbat aldiz gaude egonda, baina beti Musales-era igo eta Respomuso aldera jetsi eta zeharkaldia egiteko. Gaur, eta negu honetan elur oso gutxi dagoela ikusiz, guretzat berria den tontor honetara igotzeko asmoz goaz.

 

 2023-04-29 LA SARRA (1440m). Goizeko 8,25 dira eta urtegiaren zubia pasa eta aparkatzeko dagoen lehenbiziko tokian utzi dugu kotxea. Hemendik Ibonciecho-ra doan pista hartu dugu. Bost bat minutu pistatik egin ondoren, basora sartzen den bidezidorra hartu dugu. Bide oso erosoa da eta pista ekiditzen du.

 Foratata beti ikusgai gure ezkerrean.

 Ferraturas-Soques-Soba mendilerroa Respomusora doan bide ezagunaren ezkerrean.

 Basotik irten eta oraindik Injenieroaren etxera doan pistara heldu baino lehen, gainean daukagu gure helburua. Baina ez dugu zuzenean igoko sakan horretatik. Goian pistara atera eta Injenioeroaren etxeruntz abiatuko gara.

 Pistatik duela gutxi ibilitako ingurua ikusten dugu.

 Pacino eta Partacua mendikatea atzean. Corona del Mallo-Telera-Retona.

 Injenioeroaren etxearen azpian dauden urjauziak. Ibonciecho-tik datozen urak.

 Injenieroaren etxera heldu gabe, eskuinetik hartu dugu bertataik doan bidera heltzeko. Sancha Collons sakanetik datozen urjauzien azpian hartu dugu bidea, eskuineruntz.

 Cubetilla-ra irteten. Atzean, Foratata, Anayet, Pala de Ip, Escarra,... Orain zelaietatik gora egingo dugu. Inguru ona ibiltzeko.

 Somola eta Bucuesa aldea.

 Cubetilla-n lehenbiziko elurguneak aurkitu ditugu. Hemen gustora hartzen dira.

 Igo behar dugun lepoa erdian daukagu eta tontorra bere eskuinean. Toki egokienak bilatzen joango gara, baina arrastoa irekitzea tokatuko zaigu, hemen ez baitabil inor. Berez bidezidorra ezkerretik doa.

 Lepoa eta tontorra gertuago, baina oraindik elurra zapaldu behar dugu.

 Elurgunea igarotzen lepora bidean. Zorionez nahiko gogorra dago eta ondo igotzen da kranpoirik gabe. Atzean, Sancha Collons.

 Puy Arcol lepora heltzen (2345m). Atzean, Soques-Soba aldea. Gaur, elurrarekin, zerbait kostatu zaigu, arrastoa ieki behar izan dugulako. Elurrik gabe, ez dago inongo zailtasunik.

Hau da lepoaren beste aldean daukaguna. Pondiellos sakana eta hirumilako ezagunak.

 Lepotik, ertza jarraitu behar da. Batzutan Pondiellos aldetik eta beste batzutan ertzetik. Ez da zaila, baina adi ibili behar da, beti bezala. Atzean, Sancha Collons-Forqueta.

 Ertzeko pasabide dotore batean. Atzean, Forqueta, Llena Cantal, Tebarray, Infierno.

 PUY ARCOL (2417m). 2,45 ordu kotxetik, eta ea mila metroko desnibela. Tontor dotorea eta ikuspegi ederrekin, nahiz eta inguruko txikiena izan.

 Cubetilla (bidea antzematen da), Musales ezkerrean, Sancha Collons eta Forqueta aldea.

 La Sarra urtegia mila metro beherago. Injenieroaren etxera datorren pista ikusten da, baina bideak apenas ikutzen du.

 Garmo Negro, Algas-Argualas eta Cerrez, Pondiellos sakanaren gainean.

 Llena Cantal airosoa, Respomusoko piramidea.

 Tontorraz gozatu ondoren, lepora jeisten. Erraza da, baina harri solte asko dago.

 Lepotik behera igoeran irekitako arrastoak jarraitzen.

 Marmota ugari ikusi ditugu Cubetillan.

 Hemen ikusten dira Cubetilla, lepoa eta tontorra. Inguru lasaia ibiltzeko.

 Sancha Collons-etik datozen urjauzien azpian.

 Punta Escarra eta Pala de Ip. Hodeiak sartzen ari dira. Berez ekaitzak daude iragarrita arratsalderako, baina ondo eutsiko dio aterri.

 Sallent, Lanuza urtegia, Pacino eta Partacua atzean. Goiko pista zatitik ikusita.

 Puy Arcol gure gainean. Berehala utziko dugu pista, adierazitako bidezidorrak hartzeko.

 Pista utzi eta pinadietara sartzen. Jetsiera erosoa baso artetik. Bost ordu t'erditan bukatuko dugu ibilaldia. Beste mendi berri bat ezagutu dugu. Polita eta nahiko erraza. Eta plan gehiago buruan...

 

IBILBIDEA