 |
| 2019-03-22 Ostirala da eta izugarrizko giroa. Portalet pasa eta Anéou-ko aparkalekuan kotxea utzi ondoren, Cuyalaret-era igotzeko asmoz atera gara. Ez dakit zenbat aldiz egon garen inguru hauetan, baina ez gara aspertzen. Eskiko pistak alde batera utzi eta, nahiz eta jendea dabilen, lasaitasuna daukagu hemen. |
 |
| Erraketekin atera gara aparkalekutik. Elurra ona dago, gogorra toki batzutan. Gure sorpresarako, ea jende guztia Canal Roya aldera doa, eta gure aurretik bikote bat bakarrik doa. Lurien mendia atzean. |
 |
| Midi d'Ossau. Hemengo erregea. |
 |
| Lurien. |
 |
| Gure helburua, Cuyalaret. Arrasto asko ikusten dira, baina gaur behintzat, oso jende gutxi dator hona. Gaur, erdiko palatik igoko dugu. Beste batzutan eskuineko sakanetik joan izan gara Anéou-ko lepora eta gero ertzetik tontorrera. |
 |
| Sakana utzi eta erdiko pala horren azpira igotzen. Atzean, Gourette-ko mendiak, Lurien, Palas, Arriel, Soques-Ferraturas,... |
 |
| Anéou-ko Kanpaia zaukagun ondoan. Atzean, Foratata, Algas, Garmo Negro, Infiernoak, Tebarray, Ourade-Soques,... |
 |
| Azkenengo palara heltzen. Hemen elurra gogorra dago, eta bukaeran malda handiagoa denez, erraketak kendu eta kranpoiak jarriko ditugu. Segurtasuna! |
 |
| Kranpoiekin, Midi zaindari daukagula. |
 |
| Bukaerako pendiza tenteagoan. |
 |
| Aurrean zetorren bikotea ez da tontorrera heldu, eta behera joan dira. Gu bakarrik gaude orain. Eskiatzaile batekin gurutzatu gara. |
 |
| CUYALARET (2291m). Behatoki paregabea. Borau, Aspe, Llena de la Garganta, Llena del Bozo, Bernera, Bisaurín, Secús,..., eta eskuinean, Castillo de Acher. Bi ordutan egin dugu igoera. |
 |
| Astún eski-estazioko erremonteak eta Bisaurín, Puntal de Secús. |
 |
| Aspe, Llena de la Garganta, Llena del Bozo. |
 |
| Anayet, pare parean. |
 |
| Rinconada eta Anayet lakuak. Arroyeras lakuen gainean eta Punta Escarra eta Pala de Ip atzean. |
 |
| Foratata lehenbiziko planoan eta Infiernos, Pondiellos, Garmo Negro, Algas-Argualas. |
 |
| Orduerdi baino gehiago egin dugu tontorrean, bakar bakarrik. Luxu bat ostiral baterako. Espelunciecha-ko pistetako eskiatzaileak ondo ikusten ditugu hemendik. Atzean, Anayet. |
 |
| Bikote bat izotzean eskalatzen Rinconadan, Anayet-eko lakuen azpian. |
 |
| Arroyeras (jendea dago tontorrean) eta Punta Escarra. |
 |
| Gozatu ederra hartu ondoren, beheruntz goaz. Goiko pala toki beretik jetsiko dugu, baina gero behean, zuzenean jetsiko gara sakanera, kranpoiak kendu gabe. |
 |
| Anéou lepora doan sakanera jeisten zuzenean. Elurra nahiko gogorra dago eta kranpoiekin gustora gabiltza. |
 |
| Ezkerretik gatoz. Orain, behin sakanean, erraketak jarriko ditugu berriz. Hemen pendiza txikiagoa da eta elurra bigunagoa dago. |
 |
| Baina igoerako bidea utzi eta pasadizo honetatik behera goaz. Erreka doa azpitik, baina elurrak ondo eusten digu. |
 |
| Pasadizoan. Toki alternatiboak bilatzen. |
 |
| Cuyalaret. Esan bezala, arrasto asko baina jende oso gutxi. Normalean oso bisitatua da mendi hau, bai eskiekin, erraketekin,... |
 |
| Eta eguerdiko ordubietarako behean gaude. Formigalen bokata jateko ordu ona. Bihar gehiago. |
iruzkinik ez:
Argitaratu iruzkina