MENDIKOLORE: 🧗FAXA TORMOSA Pineta.

🧗FAXA TORMOSA Pineta.

2023-08-30 PINETA ATERPEA (1240m). Hau da gaurko abiapuntua eta helmuga. Atzo, Andorra-tik bueltan, gaurko eguraldiaren iragarpena nahiko ona dela ikusi ondoren, Bielsa-ra etorri ginen lo egitera. Tormosa faxa aspalditik daukagu egiteko gogoa. Gaur izango da eguna.

Balizak aterpe ondoan. Hemendik irtetea erabaki dugu, Pineta-ko belardira joan eta bertatik igotzeko faxara. Jetsiera Añisclo lepotik datorren bidetik egingo dugu. 30 minutu jartzen du Pineta-ra. Bagoaz!

Gero hor goitik ibiliko gara. Cilindro de Marboré eta Perdido aldea. Tormosa, erdialdetik doa.

Pineta-ko zirkoa aurrean. Urjauzietara heldu behar gara. Hodeiak ipar aldetik sartzen.

Pineta-ko zelaian gaude eta Pineta-ko Balkoira doan bidea hartu behar dugu.

Urjauziak zirkoan.

Cinca-ren urjauziak. Behekoaren ondotik igaroko dugu laster.

Sensazio Onak!!

Ura hartzen basoan dagoen iturrian.

Gero baso horien gainetik ibiliko gara. Hor zehar doa Tormosa bide ikaragarria.

Urjauzi nagusia. Bere oinetik pasa eta ezkerreko maldetatik gora doa jarraitu behar dugun bidea.

Baina oraindik urjauzien espektakulua daukagu gainean. "Y"forma.

Hemen utziko dugu Pineta-ko Balkoira doan bidea eta ezkerrera hartuko dugu. Orain guretzat ezezaguna den ingurura sartuko gara.

Urjauzietara hurbilduko gara.

Izkutuan geratzen diren urjauzi ederrak.

Harrigarria da tokia.

Hor daukagu urjauziak zeharkatzeko zubia. Beti ez da egoten jarrita.

Gure gainean daukagun urjauzia.

Zubian, apur bat bustitzen.

Hau da zubiaren gainean daukaguna.

Orain igoera potentea daukagu faxara heltzeko. Lehenbizi urjauzien ondotik.

Goian hodeiak sartzen ari dira eta sirimiri apur bat ere uzten digute.

Baina lasai goaz. Hemen, gehienetan bezala, bakar bakarrik.

Aurrean daukagu gainditu behar dugun horma. Katea dago jarrita, babes bezala. Nahiago izan dugu hau igoeran egitea, hemendik jetsi beharrean. Bestela ibilbidea edozein norantzatan egin daiteke.

Hormara hurbiltzen. Hor ere kableak laguntzen du.

Horman. Bertikala da eta helduleku onak daude, baina kableak asko laguntzen du.

Hormaren igoera hasten.

Erdialdean. Berez hau da ibilbide guztiko zati zailena. Entretenigarria.

Pasarte hori pasa ondoren, aldapa handia daukagu, bidezidor estuan. Ea 2000 metrotara heldu behar gara.

Beste trepada erraz batzuk. Atzean, zulo handia. Pineta-tik urjauzien oinera ekarri dugun bidea ikusten da.

Urjauzi bat pasatzen.

Atzean daukagun zuloa gero eta handiagoa. Pineta-ko Paradorea ikusten da.

Oraindik beste horma hauen gainera igo behar dugu.

Jarraitu behar dugun bidezidor estua, diagonalean gora.

Hauek Pineta-ko goiko urjauziak dira. Atzean geratzen dira.

Hemen sartuko gara berez Tormosa faxara. Urjauzietatik Pineta-ko Aterpearen gaineraino doa Perdido eta Esparrets-en azpitik.

Gaurko altuera handiena lortu dugu. Orain igoera eta jetsiera dezente zati luzean.

Hau da atzean uzten ari garena.

Irabelar edo akonitoak.

Pineta harana behean. Oraindik ez gaude Paradorearen parean...

Aurrean ikusten den "mugarri" erraldoi horren eskuinetik igaroko dugu.

Hurrengo zatia. Ikusgarria da dena.

Pineta haranaren beste aldean Llanos de la Larri eta bertatik erortzen diren urjauziak.

Eta hau gure gainean daukaguna, Esparrets Bizkarraren aldea.

Eta gu bidezidor panoramikoan. 1980 metrotako gutxi gorabeherako altueran gabiltza denbora luzean, gora eta behera.

Ehundaka edelweis daude bidean.

Hau da edelweis jaialdia!

Eta dutxa dotoreak goiko sakanetatik behera.

Aurrera begira. Antzematen da jarraitu behar dugun bidezidorra.

Eta atzera begira. Zeharkaldi bikaina.

Eguzkilorea.

Eta faxan asko gozatu ondoren, Añisclo lepotik behera datorren GR 11ra heldu gara. Hemen bukatzen da Tormosa faxa eta orain jetsiera bortitza geratzen zaigu aterpera.

Hau da egindako ibilbideari buruz hor jartzen duena. Beste aldean ere horrelako kartela dago. Beraz, bakoitzak erabaki behar du zer egin. Guretzat bidea ez da zaila. Gozatzekoa da, eta zailena, katearen pasabidea da. Horregatik guk igoeran egin dugu, baina jetsi daiteke baita.

Pineta harana oso behean oraindik. Jetsiera gogorra eta zati batzutan teknikoa GRan.

Gure helmuga, aterpea, ikusten dugu baina ordu t'erdi luzea falta zaigu.

Esan bezala, jetsiera oso bortitza da eta destrepe ugari ditu goiko aldean.

Destrepatzen.

Kablez hornitutako pasabidea.

Jetsiera hau ez da izango oso erosoa motxila handia gainean... Eta igotzeko ere oso gogorra.

Heldu gara behera. Orain, ibaia lehorra dagoenez zuzenean joango gara aterpera. Bestela Pineta-ko zubiraino joan beharko litzateke...

Pineta zirkoa. Handik igo dugu duela ordu batzuk. Eta goiko mazela horretatik etorri gara, gero ea zuzenean jeisteko hona.


Aterpe ondoan dagoen margotutako mapa ederra. Tormosa faxa ere adierazita dago. Guk 5 ordu eta 45 minututan egin dugu ibilbide osoa. Esan dugun bezala asko gozatu dugu eta oso ibilbide interesgarria eta merezi duena iruditu zaigu. Gomendagarria. Ordesa-Monte Perdido-ko beste faxa eder bat.