ERNIOZABAL, UBELTZ, MENDIKUTE. Urkizutik. 2015-01-18

Lagun batek egindako mapa GPS moduan erabiliz... Urte asko igaro dira Urkizun azkenengo aldiz egon ginenetik. Baina gure lagunak emandako eskematxo hau nahikoa izan da inguru hauetaz gogoratzeko, eta gaur, egun egokia iruditu zaigu. Goietan elurra, eguraldi apur bat moskeantea,..., eta Mendikuteko gaztelua ezagutzeko gogoa. Hau da guretzat gaurko ezezaguna.

Urkizuko baserri dotorea.

Urkizutik abiatu, eta Aralarreko gailur elurtuak ditugu begibistan.

Txindokik itxura goibela dauka. Muitzeko sakana ondo ikusten da.

Irudi dotoreak.

Erniozabal gainean daukagu. Hemendik aurrera elurra zapalduko dugu.

Gora goazela Aizkorri mendilerroa agertu zaigu. Bere aurrean, Murumendi eta Usurbe daude, besteak beste. Zerua dago polita.

Ebokatiboa!

Kontraste polita dago haran berde eta gailurretako elurren artean.

Gailurrerira heltzen. Laster arropa guztiak jantzi beharko ditugu. Haize hotza!

Tontorrera heltzen. Eskuinean, Aizpel eta gazume agertzen dira.

ERNIOZABAL.

Gero ertzetik jarraitu dugu Ubeltzeruntz. Hemen bien arteko lepoan gaude. Atzean, Aizpel.

Ubeltzera igotzen.

UBELTZ.

Gaur ez gara beste bi horietara joango. Ubeltzetik, beheruntz hartuko dugu, ea Mendikute aurkitzen dugun.

Gaurko espektakulu ederrena zeruan daukagu.

Jeisten ari garela, Mendikute tontorra kokatu dugu. Txabolaren eskuinean dagoen harkaitzezko tontortxoa.

Bidean, toki eta tono ederretaz gozatzeko aukera daukagu.

Izarraitz.

Azkenean, marka gorri zahar gutxi batzuk jarraituz, berehala heldu gara MENDIKUTE gaztelura. Bertan jartzen duenez, Nafarroako Erresumako gazteluaren aztarnak daude bertan. Interesantea lekua.

Harresiaren aztarnak eta lehen egondako Ubeltz eta Erniozabal.

Gazteluaren harresietatik jeisten. Horrela, elurtuta, enkanto handia dauka.

Eta hiru bat orduko ibilbide labur baina polita egin ondoren, Urkizura jetsi gara berriz. Aralar eta Malloak gero eta ilunago agertzen dira. Euria dator...

Tolosatik Azpeitira bidean, Urraki gainetik, igotako hiru tontorrak agertzen zaizkigu.

Ubeltz eta Erniozabal gertuago. Pozik goaz etxeruntz. Aspaldian ibili gabeko tokietan egon gara, eta Ernioko beste zatitxo bat ezagutu dugu.

ELTXUMENDI 854 mt, Nafarroa. Iruinerria.

Urtarrilak 17, San Anton eguna. Jaia Elgoibarren eta guk bazkaria Iruinean. Azpirotzeko behatokitik Aralarreko Malloak dotore ikusten ditugu, neguko jantziez apainduta.

Autobia eta Mergelu bere gainean.

Errazkin gaineko Malloak, Ttutturre, Alborta, e.a.

Iruinera heldu baino lehen, Oteitzara desbideratu gara. Guretzat ezezaguna den Eltxumendi mendia igotzeko asmoarekin. Ibilbide laburra da, eta denbora dugunez, baliatuko dugu ezagutzeko.

Herrian dagoen mapa.

Arrate sakaneruntz. Bidea ondo markatuta dago eta nabaria da.

Arrate sakanean gora, errekatxoaren ondotik.

Elurra zapaltzen hasi gara.

Bidegurutzea. Eltxumendi ezkerrean geratzen da.

Atzean, Ezkaba mendia eta bere magalean dagoen harana.

Lepotik gorako maldetan. Elurtuta, beste enkanto bat du mendiak.

Gailurrerira irten gara.

Tontorrera heltzen. 45 bat minutu behar dira Oteitzatik hona. Ezkerrean amildegia daukagu.

Beheruntz.

Jolasteko gogoa ere badaukagu.

Arrate sakanetik behera.

Oteitza gainean. Berehala helduko gara bertara. Irteera laburra baina polita izan da.

Bazkalostean Iruineako kaleetan. Hemen ez da ospatzen San Anton. Lasaitasuna.

              Arga ibaia, neguko tono ederrekin.                   

Bagoaz, poliki poliki, Nafarroako mendiak ezagutzen, baina oraindik bidai ugari geratzen zaizkigu... Ez gaude helburu faltan.