MOUSCATÉ 2236 mt eta HIRU ERREGEEN MAHAIA 2448 mt. Kontrasteak.

Zurizan eta Linza inguruetan askotan gaude egonda. Baina urte dexente dira ez garela etorri mendi hauetara. Beraz, aitzakiren bat behar genuen itzultzeko, eta hori gehienontzat ezezaguna den gailur batean aurkitu dugu. MOUSCATÉ da bere izena, eta Hiru Erregeen Mahaia eta Petrechema lotzen duen mendilerroan dago kokatuta. Lescún aldetik oso ondo bereizten da. Linzatik abiatu gara, Mahaira doan jende ugariarekin batera.

Dena dela ez goaz bi hankadunak bakarrik...

Bide oso ezagunetik heldu gara Linza lepora, eta aurrean agertzen zaizkigu gure gaurko helburua eta inguruko erregea.

Solana-ra jeisten, oraindik GRa jarraituz. Eskuinean Petrechema agertzen da, erdian gure Mouscaté, eta ondoren Mahaia eta Budogia.

MOUSCATÉ.

Foya A Solana-n, La Pakiza Linzolarekin.

Hemen Belaguara dihoan GRa utzi eta Mahairako bidea jarraituko dugu, bere azpian dagoen harantxoa hartu arte.

Budogiaren hormen azpian. Hemen, Mahaira dihoan bidea utzi dugu eta Escoueste leporuntz goaz. Ez dago bidezidorrik, baina nabarmena da jarraitu behar den norabidea.

Lepora heldu baino lehen, eskuinera hartu dugu. Hemendik aurrera "kairn" solte batzuk agertzen dira. Pare bat tontor zeharkatu behar dira. Laster ditugu aurrean, baina urruti, Ansabère eta Petrechema-ren bi gailur bikiak, bata jendearekin eta bestea...?

Mouscaté-runtz. Atzea La Pakiza, eta atzerago, Lakartxela eta Orhi.

MOUSCATÉ (2236m) tontorretik, Lescun alderuntz. Azpian, Pedain txabola eta harana, eta ezkerrean, Dec de Lhurs.

Hiru Erregeen Mahaian erromeria. Gu aldiz, bakar bakarrik gaude. Hau da gure sinoa itxuraz!

Tontorreko landaretza.

Dec de Lhurs. Duela urte batzuk Lescún-etik igota daukagu. Polita da.

Hasiera batean ez genuen asmorik, baina hain gertu egonda, bisita egin beharko diogu Mahaiari. Beraz, Escouste lepora jetsi, eta hortik ekingo diogu igoerari.

Escoueste lepora jeisten.

Atzera begira. Hodei beltzak daude, baina ez du ematen euria egingo duenik...

Mahaira igotzen. Mouscaté-ra egin dugun joan-etorriko ibilbidea.

HIRU ERREGEEN MAHAIA (2448m).

Mouscaté, Petrechema, Ansabère, Chinebral de Gamueta, Chipeta, eta Alano mendikatea atzean.

Tontorrean, Anie eta Countendé-rekin.

Pène Blanque, Billareak, Lhurs-eko lakua eta Lescùn aldea.

Mahaitik jeisten. Orain ohiko bidea jarraituko dugu.

Mahaia.

Parean Ezkaurre.

Agur Mouscaté. Merezi duzu bisitatxoren bat gehiago! Bi mendi ezagunen artean egoteak duen arazoa...

Behiak lasai Linzako larretan. Ezkaurre adi daukate.

Ardiak desfilatzen dabiltza. Hori da lerroak mantentzea!

Alano mendikatea Zurizatik. Azkenean hodieak bai, baina aterri mantendu da eta oso eguraldi ona ibiltzeko. Gustora ibili gara, bidebatez aspaldiko pasadizo eta historioak gogoratuz.

GRAN BARBAT (2813m) Estaing lakutik 2009-07-31

Tena bailarako Tramacastillatik oso goiz atera ondoren, Aubisque eta Soulor artean gaudela, egunsenti ederra ikusi eta bizitzeko aukera daukagu. Arrens-era bidean goaz, gero handik Estaing lakuraino iristeko.

Goizeko 7:30etarako Estaing lakuan gaude. Hemendik ekingo diogu igoerari. Asmoa ibilbide zirkularra egitea da.

Barbat-eko txabola eta lakura goaz. Ilheou lepora doan bide berbera da, baina txaboletan bide hori utzi eta Barbat lakura doana hartuko dugu.

Arriousec txabolatik ikusten dugu gure helburua, ezkerrean.

Jarraitu behar dugun harana.  Gran Barbat atzeko piramidea da, eta Ilheou lepoa ezkerrean dagoena. Haranaren bukaeran geratzen dira txabolak, eta gero eskuineruntz, lakua.

Gran Barbat, igo behar dugun bretxa erdian, eta Badescure eskuinean.

Bidea oso ondo markatuta dago.

Atzera begira Petit Gabizos elegantea agertzen da. Soulor portuaren gainean geratzen da.

Barbat-eko txabolak.

Lakura igotzen.

Barbat lakua. Txikia baina dotorea, kolore urdin urdinarekin.

Heldu gara bretxara. Beste aldean, Cambalés eta inguruak. Orain, ezkerrera jarraitu behar dugu, ertzaren ondotik tontorreraino.

Neous glaziarra, Balaitusek eta Costerillou gailurreriak babestuta. Atzean Frondiellak agertzen dira.

Cristales mendia eta Balaitus-era dihoan Deabruaren Gandorra.

Azkenengo metroak gailurrera heltzeko. Atzeko paisaia, izugarria: Infiernoak eta Panticosa eta Piedrafitako mendiak, Balaitús, Palas,...

Ilheou-ko lakuak. Horra Cauterets-etik igotzen da, eta Gran Barbat-era igotzeko beste aukera bat da.

Petit Vignemale- Pique Longue orma erraldoia.

Cauterets herria zuloan, eta Midi de Bigorre atzean, eskuinean.

Bretxa horretatik igo dugu. Gero jeisteko, bretxa zeharkatu eta beste aldera joango gara, zirkuitoa egitera.

Gran Facha eta Infiernoak bere atzean, Punta Zarre, Cambalés,...

Gailurrean (2813m). Atzean, Balaitus.

Bretxan. Orain laku horietara jetsiko gara.

Jetsiera gogorra da.

Malda handia eta harri ugari. Bretxa goian.

Arrouy lakua eta izen bereko mendia.

Nere lakua eta Balaitús, Palas, La Lie eta Artouste gaineko tontorrak.

Lakuetako ur garbi eta urdinak.

Plaa de Prat lakuaren harana. Horra jetsi behar dugu.

Urjauzi dotoreen albotik ari gara jeisten.

Plaa de Prat lakuko urak.

La Cétira aterpe egokituan.

Estaing lakura itzultzen, zirkuito ederra osatuz.

Toki hauetatik igaro gara jetsieran. Orain urruti geratzen dira.

Arrens. Geldialdia egin dugu bertan, berriz Soulor, Aubisque eta Portalet gainak igaro baino lehen.