SAN TIRSO 1333mt. Bernedotik

2017-04-02 Arabako hegoaldera etorri gara ea kostaldean baino eguraldi argiagoa aurkitzen dugun. Euripean egin dugu bidaia, eta hemen ere, dena lainotuta dago eta tarteka euria. Bernedo herriko Okon Santutegian gaude, eta karobien eta txondorraren ibilbideko informazioa daukagu.

Museo txiki bat dago Elizaren inguruan.

San Tirsora igotzeko bidea oso ondo markatuta dago. Santutegia behean utziko dugu. Atzean, Navarrete herria eta atzerago, Obekuri.

Ea goraino heldu arte, pago eta ezpelez betetako basotik doan bide zabala jarraituko dugu. Ezkerrera dagon bidegurutze batean Puerto Nuevo-rako baliza ikusiko dugu. Karobien eta txondorraren ibilbidea eskuinera dihoa. Gu beti, San Tirsoruntz.

Euriak irudi politak uzten ditu.

Orduerdi inguru ibili ondoren beste bidegurutze honetara helduko gara. Argi dago noruntz joan behar dugun.

Bidea oso dotorea izaten jarraitzen du.

Pagadian.

Goi partean bidea eztutu egiten da ezpel artean. Baina oso ondo jarraitzen da.

Basotik atera ondoren, berehala heltzen da San Tirso-ren Bonete-ra. Hemen hormen azpian goaz, behelaino artean.

Mendilerroan gaude, Bonetearen ondoan. Hemendik Errioxako lurra ikusten dira, baina gaur ez dugu inongo ikusmenik.

2001n toki berean, semea eta aitxitxa

Mendilerroa eskuinera jarraituz, kobazulo baten barnean kokatuta dagoen ermitara helduko gara. Kanpoan euria eta hotza. Elur maluta batzuk ere jauziko dira.

Babes apur baten bila.

Baina nahiz eta oso atsegina ez egon, tontorrera goaz. Ermitatik gora trepada txiki bat dago, eta arriskutsua dago, dena bustita eta oso labainkor, baina ez da zaila, eta kontuz igaro ondoren, gora heltzen ari gara.

SAN TIRSO (1333m). Gaur ez dugu ezer ikusiko.

2001n ere lainotuta zegoen, baina ez hainbeste. Amamarekin hemen. Haiek garaiak...

Ba hori, EUSKARAZ BIZI!!! Oso sinplea da dena... nahiz eta guk konplikatu.

Hau da oso labainkor dagoen zatia. Kontuz jeisten.

Dagoeneko Bonetea ea ez da ikusten. Euria eta hotza.

Basoaren babesean.

Hemen hobeto goaz. Behelainoarekin oso polita dago.

Santutegira jetsi baino lehen, txondorra eta karobiak ikustera hurbildu gara. Txondorra.

Eta ikazkinen txabola. Hemendik, Okon-era jetsi, eta arropa bustiak aldatu ondoren, Arabako Errioxako produktuak dastatzera joan gara. Ez dugu eguzkirik ikusi, baina inguru politean ibili gara, eta duela urte batzuk bizitako momentuetaz ere gogoratu gara.

MENDAUR eta MENDIEDER Sunbillatik

2017-03-26 SUNBILLA. Goizeko 9:30ak dira. Gauean ordu aldaketa izan da, eta goiz altxatu gara etxetik hona etortzeko. Hodeiak daude, baina aterri. Bezperan bota zituen bota beharrekoak.

Elizako arkupetatik Ramon Latasa aizkolariari eraikitako oroitarria.

Zubi dotorea.

Ibai ertzeko etxe ederrak.

Ibilbideak ez du misterio handirik. GR baten marka zuri-gorriak jarraituko ditugu. Nahiz eta Nafarroako Mendian liburua ekarri, ez diogu jaramonik egin bertan agertzen den ibilbideari, eta GRa jarraitu dugu. Mendaur auzora lehenbizi.

Herria behean uzten ari gara.

Begibistan ditugu bi tontorrak.

Perretxiko erraldoiak baserri eder honen lurretan.

Hauek dira azkenengo baserriak. Atzean, Oteixon mendia.

Honeraino pistak jarraitzen etorri gara. Hemendik gora baso dotorean sartuko gara. Guretzat ibilbidearen zati politena.

Basoko irudiak. Errekatxo asko datoz, eta urjauzi txiki dotoreak sortzen dituzte.

Nahiz eta biluzik egon pagadia, gozamena da bertatik ibiltzea.

Txabola bat bidean. Barrutik txukunduta dago eta koltxoi bat ere badu gaua igarotzeko.

Bustitza lepoaren azpian gaude, eta ezkerrean daukagu Mendaur eta geratzen zaigun aldapa tentea.

Lepoaren azpian dagoen iturria.

Bustitza lepoa eta mendizale talde handia Mendiederrera igotzen.

Tontorrera heltzeko eskailera hauek igo behar ditugu. Belauniko...?

MENDAUR (1131m). Haize bortitza dabil goietan. 30 urte igaro dira hemen egon ginenetik. Bazen ordua berriz etortzeko.

Ituren aldea.

Tontorreko Trinitate baseliza.

Baseliza. Eskuineko aldean aterpe bezalakoa dauka. Bertan egon gara zerbait jan eta edaten, eta bagoaz beheruntz. Iparraldeko mendizale tropela ari da heltzen.

Bustitza lepoan dagoen zutarria eta Mendaur.

Mendiederrera igotzen goazela, horrela ikusten da Mendaur.

Bigarren tontorrera heltzen. Mendaur atzean.

Arantza herria. Hortik etorri dira iparraldekoak.

MENDIEDER (1074m). Izena horrelakoa du...

Mendaurreko urtegia. Hortik dator Itureneko ibilbidea.

Berriz Bustitza lepoan. Igoerako bidetik egingo dugu jetsiera Sunbillara.

Pagadian.

Beste txabola bat.

Lehengo baserriak, baina artaldearekin orain.

Goizean igo dugunean, ez zeuden lora guzti hauek.

Eguzkiak apur bat berotu duenean, ederki loratu dira zelaiak.

Eta bost ordu t'erdi inguru ibili ondoren heldu gara Sunbillara.

Hasierako irudi berbera, baina beste argi batekin. Hirurak dira.

Eta hau da liburuan genuen mapa, baina paso egin duguna. Berdez markatutakoa egin dugu. Duela 30 urteko historioak gogoratze aldera...