SAN TIRSO, PEÑA del LEÓN, PAYORREDONDO, Zirkularra Villafriatik.

 

2021-03-13  Hiru probintziatan mugitzeko aukera daukagunez berriz, gaur Arabara joatea erabaki dugu. Bagenuen gogoa herriko mugetatik ateratzeko.

Araba, oi Araba, zu ote zaren aitaren zazpigarren alaba... 🎼🎵

 Hainbat aldiz izan gara Toloño mendikate honetan, eta toki desberdinetatik abiatu, baina Villafriatik inoiz. Horregatik aukeratu dugu gaurko abiapuntu bezala.

 Depositu baten alboan utzi dugu kotxea, eta zuzenean hartu dugu goruntz, basoko bidezidor bat jarraituz, eta berehala heldu gara GR1a doan pistara. Hor ezkerrera, Bernedo aldera.

 Bide zabala eta lasaia.

 Bernedo eta Okon Santutegitik datorren bidearekin egin dugu topo, eta hemen San Tirsora doan bide arrunta hartu dugu.

 Bide ezaguna, ondo balizatua, eta oso erosoa.

 Bonetearen azpian gaude eta aurrean daukagu San Tirso. Goian haizea dabil, baina ez da arazoa izango.

 San Tirsoren Bonetea.

 Bonetea eta Bernedo herria, ermitara doan bidetik.

 San Tirsoko baselizaren atarian.

 Villafria, abiapuntua eta helmuga. Hor ikusten da nondik abiatu garen.

2017/04/San-Tirso-1333mt-Bernedotik

 Kripan herria eta Arabako Errioxa gure oinetan.

Peña Alta igoera

       Haizea oztopo ez dela izango ikusita, eta eguraldi ederrarekin,    San Tirso utzi eta ertza jarraitzera goaz.

 Ezkerrean ikusten den tontor zorrotza da Peña del León eta bertaraino doan ertza oso dotorea da. Erraza eta oztoporik gabekoa, garbia orokorrean. Atzean, La Rasa-Palomares mendilerroa eta Lagrán herria eskuinean.

 Errioxa aldean, Laguardia eta San Lorenzo eta Demanda mendikatea atzean.

 Ertza jarraitzen. Goitik oso ondo joaten da. Lehorra dago eta garbia.

 Atzera begira, San Tirso, jendearekin tontorrean, Peñalta, Lapoblación.

 Peña del León eta La Rasa-Palomares.

JOAR igoera

      Egindako ertzari begira. Atzean, Joar.

 Horma ederrak Errioxa aldera.

 Peña del León, Portillo de Ponterba-tik. Zeren itxura hartzen diozue?

 Azkenengo aldapa tontorrera iristeko.

PEÑA DEL LEON (1389m).

 Tontorraren azpian, Errioxa aldean, los Husos monolitoak ditugu.

 Arabar Errioxa putreen ikuspegitik.

 Landutako eremuek irudi dotoreak eskeintzen dizkigute. Margotutako koadroak dirudite.

 Peña del León-etik aurrera, oztopo asko agertzen dira ertzean. Ertza utzi eta Lagrán aldeko maldetatik ibili behar da, ezpel artean, nahiko itxia eta, gaur behintzat, oso labainkorra, izotza baitago.

 Bidea aurkitzen ezpel artean.

Buzoirik ez duen Payorredondo tontorrean (1365m). Peña del León eta egindako ertzari begira.

 Toro lepoa eta Palomares mendilerroa aurrean. Lepo horretara jetsi behar dugu, eta oraindik borroka egin beharko dugu ezpelarekin.

 Lagrán.

 Baso dotorea hainbeste ezpel artean.

 Ea mendatera heldu arte jarraitu behar izan dugu bidea aurkitzen ezpel artean, baina heldu gara Toro mendatera. Orain dena beheruntz, Lagrán aldera printzipioz.

 Bide zabal eta erosoak eta oso ondo balizatuta.

 Baliza ugari. Oso ondo markatuta daude gurutze guztiak.

 Hemen, Bernedo eta Villafria-runtz.

      

Eta azkenik, Bernedo-ko bidea utzi eta Villafria-ra jeistea geratzen zaigu.

 Villafria. Bost bat orduko ibilaldi ederra egin dugu. Lasai eta Arabako paisaiaz gozatzen.

wikiloc.com/hemen ibilbidea Del Toro leporaino.

ANDARTO 1074 mt Urkulutik.

  

    

Urkulutik hasita, igoera oso ederra da, paisaia askotarikoa baita: urtegi batean hasi, ibaiaren bazterretik sakan bat igo bidexka batetik, baso autoktonoa zeharkatu, Degurixako zelai idilikoetara iritsi eta kareharrizko piramide-formako pikatxo baten gailurrera iritsi.

 2021-01-16  Urkulu urtegian gaude Degurixara igotzeko asmoz. Fondoan, elurtuta, Orixol-Ipizte-Anboto.

 Goroeta, Kurutzeberriren oinetan. Hemen ez da elur asko ikusten, baina erraketak hartu ditugu, goian oraindik elurra egongo dela pentsatuz.

 Urkulu erreka Arbe sakanean. Ur askorekin dator.

Pista utzi eta Arbetik doan PRa jarraitzera goaz. Oso polita dago, baina ur askorekin. Ea gero nola zeharkatzen dugun...

 Hor aurrean zeharkatu behar da erreka. Ur gutxirekin ez dago arazorik. Baina ez da gaurko kasoa.

 Lortu dugu. Apur bat bustita, baina gutxienez osorik. Oso labaina da zeharkaldia eta kontu handiz ibili behar izan gara.

 Orain ezkerrean daukagu erreka, urjauzi ederrez hornituta.

 Dena dela, beti iruditu zaigu abentura-bide bat dela PR hau, eta gaur gehiago. Orain basoan, eroritako zuhaitzak eta adar ugari topatuko ditugu eta gora eta behera ibiliko gara.

 Pistara atera ondoren, ezkerrean geratzen da urjauzi dotore hau, baserrietara doan bidearen azpian.

 Pentsatzen genuen bezala, pagadian elur asko eta bidea ondo dagoenez, ez ditugu erraketak jarriko.

 DEGURIXA. Beti esaten dugun bezala, paradisu bat. Jende gutxi eta toki aparta.

 Hemen elur asko eta biguna dago. Erraketak jarri ditugu eta Andartoruntz abiatu gara. Atzean, Arlutz eta Aranguren.

 Oinezko arrastoak badaude, baina guk erraketekin, gure bidea egingo dugu.

 Degurixa behean geratzen da.

 Toki lasaia eta ederra.

 Elurtutako pasabidea tontorrera igotzeko.

 ANDARTO. Kakuta eta Erlo atzealdean.

 Araotz eta Aloña-Aitzgorri mendilerroa.

 Mairuatx, Arlutz,... Degurixako tontorrak.

 Araotz. Hona etortzeko beste abiapuntu bat.

 Arlutz, Aranguren, Elorretako Haitza atzean. Hainbat aldiz ibilitako tokiak.

 Arriona eta Gazteluaitz behean, Zabalaitz eta Arbelaitz-Aitzgorri.

Beste bikote bat heldu da eta gu beheruntz toki beretik.

 Pasabidean.

 Degurixan berriz. Mairuatx.

 Itzuli txiki bat egin dugu Degurixan, elurraz eta parajeaz gozatzen.

 Degurixatik irtetera goaz. Penaz, baina jetsi egin behar dugu.

 Basoan, orain erraketekin. Behean dagoen txabolaraino jetsiko gara kendu gabe, elurgune guztiak baliatuz.

 Pista ertzean dauden txabola dotoreen ondoan kendu ditugu erraketak. Ondo etorri zaizkigu gaur.

 Hemen sartzen da Arbe sakaneko bidera, baina pistatik jetsiko gara orain. Igoeran abentura nahikoa izan ditugu eta.

 Ur ugari toki guztietatik. Eta beheko aldean, basurde-uxaldia. Abentura, bukaeraraino.

IBILBIDEA Hemen >