FARIÑENTU 2176 mt, CANALÓN OSCURO 2142 mt, PEÑA CHANA 2041 mt. Zirkularra Meicinetik.

2016-07-14 Meicin aterpean egin dugu lo. Eguraldi bikainarekin esnatu gara. 6.eguna da jarraian mendian, eta gaurko plan nahiko gogorra daukagu. Mendi dexente ezagutzen ditugu mendikate honetan, baina adibidez Fariñentu falta zaigu. Aterpeko Taniak eman digu zirkular bat egiteko ideia.

Aterpetik atera eta lehenengo lana Forqueta lepora igotzea izango da. Hau ezagutzen dugu, duela urte batzuk Fontanetara joateko erabili bait genuen.

Hor daukagu Forqueta. Beste aldean daude Joyos de Cueva Palacios eta Fontanetara edo Agüeria-ra joateko bideak.

Atzean, Terreros lepoa eta Cerreo mendia (7. egunerako).

Bachao iturri ederra igoeraren erdian. Eskertzen da!

Tuiza gainean eta Cubilla mendatetik gertu Tesa-Mesa mendilerro polita.

Haranetan behelainoak daude, eta goietan eguzkia topera.

Loraz apaindutako bidezidorra jarraitzen. Eskerrak zeta batzuk egiten dituela...

Forquetan (2058m) gaude. Joyos de Cueva Palacios eta Peña Rueda.

Siete-Crestón del Pasu Malo eta Fontanak. Ikaragarria da tokia!

Fariñentu-ren hormak Agüeria aldera. Baina, lehenbizi Canalón Oscuro igoko dugu. Horretarako, Cueva Palacios aldera apur bat jetsi eta tontorra zeharkatu ondoren, belarrezko malda tentea igoko dugu.

Ezkerretik igo dugu Palazana eta gure mendiaren arteko lepora, eta orain azkenengo malda gogorrean gaude.

CANALON OSCURO (2142m). Atzean, Fontanak.

Aterpea eta Meicín ibarra 600 bat metro beherago.

Tuiza Riba. Gero hortik pasako gara.

Alto de los Camisos, Prau del Albo eta Siegalavá. Eskuinean antzematen den bidezidorretik joango gara Fariñentu-runtz.

Bi Ubiñak, Txikia eta Handia. Handiaren aurrean, txiki, Cuetu les Cabres.

Tontorra hor geratzen da. Goiko malda tentea jetsi dugu.

Palazana, Cueva Palacios aldetik zeharkatuko dugu. Atzean, Canalón Oscuro eta Ekialdeko Portillín.

Sarrio familia.

Alto de los Camisos-era igotzen. Atzean Crestón del Pasu Malo-Fontanak.

Hau da aztean uzten ari garena. Idiaren Kanala da Fontanetara igotzeko bide arrunta.

Alto de los Camisos eta Prau del Albo ezkerrean. Bidezidor hau jarraituko dugu, eta Prau del Albo-ra heldu baino lehen, eskuinera pasako gara, Meicín aldera.

Baina oraindik ezkerrean Agüeria-ko ibar ederra, Peña Rueda eskuinean eta bezperako Ranchón-Huertos del Diablo ezkerrean. Atzo ez genuen izan gaurko zorterik.

Prau del Albo-ren azpian, Meicín aldera igaro ondoren. Atzean, Ubiña-tik Fontanetara dihoan mendilerro osoa.

Bidezidor estua eta gorabeheratsua.

Prau del Albo ezkerrean utzi dugu eta Fariñentu daukagu aurrean. Igoerako ohiko bidea hartzeko jetsi egin behar da ea Corrales zulorarte, baina guk ez dugu altuera galtzerik nahi eta ezkerretik joango gara zeharkatzen, bidezidor estuak erabiliz.

Peña Chana edo Llana eta Siegalavá, Corrales eta Bocarón-etik erortzen diren belardi malkartsuekin.

Zeharkaldian. Nahiko ondo egin dugu.

Fariñentu-ren hormen azpian. Espoloi hau zeharkatu eta bide arruntarekin elkartuko gara, tontorretik nahiko gertu.

Azkenengo metroak lora artean egingo ditugu. Behean, Tuiza Baxu eta La Cubilla mendatera doan errepidea.

Cueva Palacios zirko guztia, Portillinak-Siete-Pasu Malo-Fontanak eta Prau Fontán.

FARIÑENTU (2176m).

Ranchón- Huertos del Diablo Llaseiro ibarraren gainean.

Gero hortik jarraituko dugu. Peña Llana Cheturbio putzuaren gainean eta Siegalavá.

Baina oraindik tontor honek eskeintzen dizkigun paisai izugarriekin gozatu behar dugu.

Ezkerrean Peña Santa eta Cornión mendilerroa, Cabrones-Cerredo erdian eta Palanca-Llambrión eskuinean.

Agüeriako ibarra isatsez beteta.

Agüeriako La Cardosina artegia. Peña Rueda-ra igo genuenean pasa ginen paraje eder horietatik.

Cheturbio-ra jetsi ondoren, Fariñentura egin ditugun igoera eta jetsierari begira.

Bocarón de Cheturbio-n gaude, Siegalavá-ren igoera aztertzen (beste baterako). Hemendik Tuiza-ra azkar jetsi daiteke, baina guk eguna luzatuko dugu.

Hasteko, gainean daukagun Peña Chana (Llana) igoko dugu.

PEÑA CHANA (2041m). Hemendik oraindik ikaragarriagoa ikusten da Siegalavá.

Jeisten. Orain Chegu-ra jetsi eta Agüeria-tik datorren bidea hartu beharrean, tontorrean topo egin dugun mendizale batzuk esandakoa egitera goaz, hau da, Siegalavá eta Tapinón-en hormen azpitik zeharkatu, altuera gehiegi galdu gabe.

Tapinón. Baina ez da izango erraza horma horien azpira heltzea. Terreno oso gogorra, igoera eta jetsiera asko, ...

Baina azkenean lortu dugu, nahiz eta dexente kostatu. Peña Llana atzean. Bide batez, zergatik deituko da Peña Llana??? Ez dauka lautada handirik!

Heldu gara Tapinón-en azpira. Goian daukagu Tapinón-Siegalavá ertz zaila.

Peña Rueda eta Agüeria-tik datorren bidea.

Trave lepoan gaude. Zailena egin dugu, baina bide luzea geratzen zaigu oraindik.

Valseco artegia.

Tapinón-eri itzuli osoa eman diogu. Forcau ibarra. Hemendik da Tapinón-en ohiko igoera, 400 bat metroko aldapa.

Orain El Viso leporuntz goaz. Puertos de la Cruz eta Tesa-Mesa-La Magrera mendilerroa.

Viso lepotik Tapinón-Siegalavá, Fariñentu, e.a, beste aldetik ikusita. Tuizara jeistera goaz.

Tuiza-ra jeisten.

Tuiza ondotik, behetik gora begira. Goialde horietan ibili gara.

Peña Chana-ren ondoko lepotik hortik da jetsiera. Guk ederki luzatu dugu..., baina gustora gaude. Orain Tuiza-ko tabernan ondo hidratatu, Tourreko etapa ikusten dugun bitartean (Mont Ventoux), eta gero beste 45 bat minutu Meicín-era igotzeko.

Meicín-era igotzen. Behelainoak jolasean Ubiñako tontorretan.

Tania, bere bi kideen entrenamentua ikusten. Ez dute denborarik galtzen hauek.

Lasaitasuna. Azkenean, hamar orduko ibilaldia egin dugu. Ez dago gaizki seigarren eguna izateko. Bihar, azkena eta lasaiagoa. Gustora gaude toki eder honetan.

Indarrak berreskuratzeko ordua da. On egin!

HUERTOS DEL DIABLO 2111-2140 mt eta RANCHON 2162 mt Ventana mendatetik.

2016-07-13 VENTANA mendatea, Asturiaseko Teverga eta Leoneko Babia komunikatzen ditu. Torrebarrion lo egin ondoren, hemen gaude goizeko 9retarako ea suertea daukagun eguraldiarekin. Hodei dexente daude mendietan...

Gu Ubiña aldera goaz. Atzean, mendatearen beste aldean, Ferreirúa.

Fontanak hodeiekin, eta Ubiña Handia momentuz garbi.

Hasieran, Peñón de la Ventana-ra heldu arte, pista jarraitzen da. Atzean, Torrestío gainean, Morronegro eta Alboak, e.a. Farrapona inguruan.

Pista utzi ondoren, Rebollosas mendira doan bidezidorra jarraitzen da. Oraingoz garbi daude Ranchón eta Huertos del Diablo. Horra goaz.

Ez da beharrezkoa baina guk Rebollosas tontorrera igo dugu, eta orain Socellares lepora jeisten ari gara. Bidezidor bat dago Rebollosas-era igo gabe, lepora dihoana eskuinetik. Gero, Melluque eta Socellares-en artean dagoen harantxotik sartuko gara.

Koloreak.

Socellares ibarra behean utzi eta lehen aipatutako harantxotik gora goaz.

Melluque lepoan. Atzean tontorra.

Eta aurrean Iparreko Huerto del Diablo. Hodeiak sartzen ari dira.

HUERTO DEL DIABLO NORTE (2110m) Hodei artean gaude eta ez dugu ezer ikusten.

Bigarren tontorrera igotzen. Bien arteko lepora jetsi gara eta ertza jarraitzen ari gara. Horrela tontorrera helduko garela uzten dugu.

HUERTO DEL DIABLO SUR (2140m). Pena bat baina ez dugu ezer ikusten. Ranchón-era jarraitzeko asmoa daukagu, baina ez dakigu non dagoen ere ez... Horrela joateak merezi ez duela ere pentsatzen hasi gara. Apur batean hemen itxarotea erabaki dugu.

Halako batean, hor agertu zaigu Ranchón. Beno, behintzat orain badakigu noruntz joan.

Hor zain gaudela bi mendizale asturiar agertu dira, GPS eta guzti, eta beraiek Ranchón-era jarraitu behar dutela esan digute. Beraz, aurrera goaz gu ere.

Bigarren Huerto del Diablo-tik Boca de Rolamuela-ra jeisten. Guri logikoena iruditu zaigun tokitik jetsi gara. Asturiarrak eskuineko harriditik ari dira jeisten.

Roca de Rolamuela-ra egin dugun jetsiera et Ranchón-erako hasiera.

Ihintza landareetan

Ranchón-era igotzen. Atzean Huerto del Diablo Sur. Orain gutxienez, zerbait ikusten dugu.

Lurrera begira.

Ranchón-en ertzera heldu eta ahuntz taldeak ongietorria eman digu. Atzean, Colines.

RANCHON (2162m)

Bi buzoi daude, hau pioletarekin. Gustora gaude. Azkenean pentsatuta genituen hiru tontorretara heldu baikara. Orain jetsieran pentsatu behar dugu.

Boca de Rolamuela eta Huerto del Diablo Sur. Agüeria gainean gaude, baina ez dugu batere ikusten. Gutxienez orain tontorrak ikusten ditugu.

Bi Huertoak, Hegoaldekoa ezkerrean eta Iparra eskuinean.

Colines. Asturiarrak horra doaz, baina guk ez daukagu astirik, oraindik ibilaldi luzea geratzen zaigu eta.

Ranchón-en goiko horma jeisten.

Boca de Rolamuela lepotik gure apunteetan daukagun Cuspasante haranera jeistea erabaki dugu, berriz Huertos del Diabloak ez igarotzeko. Ez dakit erabaki ona izan den. Malda handia dago, eta hasieran ondo jeisten da lora eta harri artean, baina gero lahar artean, asko kostatu zaigu.

Colines ezkerrean daukagu Cuspasante haranera jeisten ari garen bitartean.

Goiko zatia jeisten. Hemen oraindik nahiko ondo.

Baina hemen gaizki. Gainera zuloak daude eta ez direnez ikusten, ba oso adi ibili behar izan gara.

Ventana mendatearen beste aldean.

Lorategi tranpatia. 300 bat metro jetsi ondoren, abereen bidezidorrak jarraitu ditugu igoeran igarotako Socellares lepora heldu arte. Ez da izan oso erosoa.

Hau da guk egin duguna. Seguruen, goitik etorrita hobe izango litzateke. Baina tira... orain berdin da.

Ibilbidea. Arratsaldeko laurak aldera heldu gara Ventana mendatera, nekatuta baina pozik. Aste Santuan ere izan ginen hemen, erraketekin egiteko ibilbide hau, baina kotxetik atera gabe itzuli behar izan ginen. Orain, San Emilianon zerbait jan eta edan, eta Pajares-eko autopista hartuko dugu Asturias-eko Campomanes-era joateko, eta handik Tuiza-ra igo.

TUIZA RIBA. Meicín aterpera goaz bertan bi gau igarotzera. 45 minutuko igoera daukagu.

Baserritarra behiak goiko larretara eramaten.

Bide ezaguna da guretzat. Gainera lainotuta dago, eta nahiz eta nekea sentitu, gustora goaz.

       Beste artzai bat Meicín-eko ibarrean.

MEICIN aterpea. Zaintzaileak eta beste hiru pertsona bakarrik daude. Aterpe hau munizipala da orain eta ez dute deskonturik egiten Mendiko Federatu izatea gatik.

Afari honekin gaurko neke guztiak desagertu zaizkigu. Bostgarren eguna potentea izan da, baina hurrengo egunetarako eguraldiaren iragarpena ona da, beraz jarraituko dugu. Biharko plana ere nahiko gogorra da...