ZELANDA BERRIA 🇳🇿 AOTEAROA IX.🏞️🚣‍♂️🏔️🏘️ 🌺🪷✈️/ HEGO IRLA (Queenstown)

                                             2026-01-07   15. eguna. 

                          GLENORCHY

 Atzo arratsaldean heldu ginen Glenorchy-ko kanpinera. Gaur gazteak goiz altxatu eta ibai bat jeistera joan dira. Gu biok aldiz, herrian eta inguruan igaroko dugu goiza. Gauean berriz hemen egingo dugu lo.

 Goizean, lasai, Wakatipu laku ertzera goaz. Bidean, lora politak etxeetako lorategietan.

 Herriko etxe dotoreak eta lakuaren beste aldean dauden mendi elurtuak.

 Etxebizitzak eta Richardson Mountains atzean.

 Kaioak eta ahatea laku ertzeko zelaietan.

 Wakatipu lakua. Erraldoia da. 80 km-ko luzera du eta Zelanda Berriko luzeena da. Gainera 291 km karratuko hedadurarekin herrialdeko hirugarrena da. Gu hainbat egunetan ibili gara bere ertzetan eta oraindik bihar ere ibiliko gara.

 Laku ertzean dagoen ontzien estalpe gorria. Famatua egin omen da hau ere Instagram-en.

 

 Honeraino heltzen da Wakatipu lakua. Paisaia ederra.

 Sahatsak lakuaren uretan bizi dira.

 Kaioak.

 Gustora gabiltza, lasai, nahiz eta momentu batzutan sirimiria izan.

 Rees ibaia eskuinetik dator, eta hemen isurtzen da lakura. Ezkerretik Dart ibaia dator. Atzean, Richardson mendiak.

 Wakatipu.

                                                Humboldt mendi ingurua.

 Dart eta Rees ibaiak elkartzen diren unean. Gero arratsaldean, atzeko paraje haietan ibiliko gara.

 Izas lakuko uretan bikoiztuta. Euri apur bat ari du.

 Jendea Wakatipu lakuko nasan.

 Mitxoleta. 

 Lagoon Track. Pare bat orduko ibilaldi gozagarria egitera goaz. Rees ibaia.

 Egurrezko zubi batean. Hezegune pila daude eta bidea oso ondo egokituta dago, egurrezko pasarela eta zubiekin.

 Landaretzaz inguratutako aintzira ugari daude, eta toki ederrak dira atsedena hartzeko.

 Hezeguneak igarotzeko pasabideak.

 Aintzira bat basoaren erdian.

 Beste atseden toki bat. Horrelako batean bazkaldu dugu.

 Aintzira, basoak eta Kinloch gaineko mendiak.

 Aintzira eta Humboldt mendiak.

 Richardson Mountains-eko tontorrak.

 Sahatsak aintzira babesten.

 Zisneak aintziran. Ahate eta hegazti pila daude baita. Herriko golf zelaiaren albotik bukatuko dugu ibilbidea, eta herrira hurbilduko gara.

Ibilbidea hemen

 Herrian berriz. Familia bakarreko etxeak dira denak, lorategi politekin.

 Kanpinaren ondoan dagoen kafe-dendan geratu gara, kafea hartzen.

 Kaioak teilatuan.

 Kafe-dendaren barnealdea.

 Kanpoan, liburuak aldatzeko armairua.

 Txabolaren leihoa loraz apainduta.

 Hau da txabolatxoa.

 Bitartean, bi gazteak Rees ibaia jeisten ibili dira.

 Oso gustora hauek ere.

 Arratsaldean, karabana hartu eta laurok toki berriak ezagutzera goaz. Rees ibaia, baina Diamond Creek aldean.

 Rees ibaia, oso zabala hemen baina ur gutxirekin. Glenorchy han atzean geratzen da.

 Orain Dart ibaian gaude. Beste aldean, Routeburn ingurua. Paraje hauetan, "Eraztunen Jauna" pelikulan agertzen diren toki asko daude, eta bi gazteak erabat motibatuta dabiltza.

 Dart ibaia eta mendiak. Paisaiak harrigarriak dira, noski.

 Dart ibaia eta Paradise aldea.

 Leku oroigarriak, zalantzarik gabe. Eta hodei horiekin, are gehiago.

 Ardiak. Hemen abeletxe bakar batzuk besterik ez dago, eta ardiak eta behiak dira nagusi. Inguru bakarti baina ederrak.

 Dart ibaia. Hemendik goruntz abiatzeko lurrezko pistak dira.

 Oso izkutuan dagoen urjauzia, Routeburn aldean.

 Dart ibaiaren gaineko zubia igaro dugu eta Routeburn-eko lurretan gaude.

 Bidegurutzea. Gu hemendik Paradise-ra joango gara, lurrezko pista nahiko gogorra jarraituz.

 Heldu gara Paradise-ra. Abeletxe bat besterik ez, eta abereak noski. Baina tokia, harrigarria da.

 Munduaren bukaera dirudi tokiak.

 Diamond lakura hurbiltzen oinez. Elfoak edo hobbit-ak edo dena delakoak agertzea falta da bakarrik.

 Diamond-eko basoak.

 Eta Diamond lakua.

 Zisneak lakuan eta abereak larreetan.

 Hegazti pila lakuan. Guri herrira itzultzeko ordua heldu zaigu.

 Gaur da karabanan igaroko dugun azken eguna, eta herriko jatetxe batean afaltzera atera gara. Bihar Queenstown-en utzi behar dugu kotxea eta garbia noski. 

 Jatetxeko menu-karta.

 Jatetxea kanpotik. Arratsaldeko zazpiretarako afaltzen, bederatzietarako izten baitute.

 Afalostean, ilunabar dotorea daukagu kanpoan.

 Kanpinera bidean.

 Erbia, kalean bertan. Asko ikusten dira. Eta gu azken gaua igarotzera autokarabanan. Bihar Queenstown-era eta iluntzean, hegaldia Auckland-era.

                       

                   2026-01-08   16. eguna. 

                        QUEENSTOWN

 Kanpinean gosaldu ondoren, Queenstown-eruntz atera gara. Bennets Bluff behatokian geratu gara. Wakatipu lakua, Pigeon irla eta Glenorchy aldeko mendiak ditugu ikusgai. Hodei horiekin irudi harrigarria eskeintzen dute.

 Behatokian.

 Atzo mendi haien artean ibili ginen. Mundu galdua...

 Asko gustatu zaigu Glenorchy aldea. Orain Queenstown-era.

 QUEENSTOWN. Autokarabana aireportuan bertan utzi behar dugu. Lehenbizi, kanposantu ondoan dauden ur zikinak jaurtitzeko tokian geratu gara. Karabana garbi utzi eta 9km-tara dagoen aireportura joan gara (Frankton-en). Berehala utzi dugu autokarabana, arazorik gabe, dena ondo, eta motxilak eta maletak kontsignak utzi ostean, uber batean itzuli gara Queenstown-era. Egun guztia daukagu hemen ibiltzeko.

 Kalean. Alde hau oinezkoentzat bakarrik da eta aulki pila daude lasai egoteko.

 Kaiaren ondoan elkartzen da jende gehiena. Bertan William Gilbert Rees esploratzaile, topografo eta kolono galesaren estatua kokatzen da.

 Wakatipu lakua.

 Kaioa.

 Ahateak laku ertzeko hondartzan eta kaia atzean.

 Te Kararo lorategiei buruzko informazioa. Laister bisitatuko ditugu.

 Lehenbizi laku ertzetik pasiada bat emango dugu. Lora politak.

 Toki paregabea inguruaz gozatzeko. Wakatipu lakua, Cecil Peak,...

 Lorategietara igo dugu. Kolore ezberdinetako larrosak dira nagusi.

 Boloen kluba ere lorategietan kokatzen da. Hor ari dira jolasten.

 Sekuioa erraldoi eta dotoreak ere badaude.

 Emakume irakurleak.

 Loto lorak urmaelean eta ahateak.

 Sekuioa.

 Iturria.

 Denbora apur bat eman dugu lorategiak bisitatzen. Toki oso lasaia eta atsegina. Zerbait jan eta edan dugu bertan, eta ondoren kaira jetsi gara kafea hartzera.

 Lurralde desberdinetako janari postuak kaian.

 Lurralde askotako jendea ikusten da hemen. Oso kosmopolita da.

 Postu desberdinak.

 Kiwia. Zelanda Berriko nazio-ikonoa.

 Kaia.

 Jendea zain itsasontziak hartzeko.

 Earnslaw itsasontzia. Honen zain dago jendea kaian. Bere sirena zaratatsua herri guztitik entzuten da.

 Sartu da jendea eta badoa berriz Wakatipu lakuko itzulia ematera. Gu aldiz, aireportura itzuliko gara. Iluntzeko 20,30tan daukagu Auckland-erako hegaldia. Bihar azkeneko eguna Aotearoan.

    

 

 Hego Irlako mapa eta ezagutu ditugun parajeak. Ederra izan da hemen bizi izan dugun guztia. Azkenean guztira 4200 km inguru egin ditugu autokarabanarekin, bi irletan. Bihar Auckland.