2017/02/23

LAUORDENA - ASTATE- Arrieta lepoa -TTUTTULIA - IPARLA. Izpegi mendatetik.

2017-02-18 Etxetik goiz atera ostean, Erratzu aldean gaude goizeko 8:30etan. Egunsenti dotorea daukagu. Gustatzen zaigu noizbehinka Baztan bisitatzea...
9etarako gaude Izpegi mendatean, eta bertan dagoen panel batean daukagu ikusgai gaurko ibilbidea. 1989. urtean egon ginen aurretik Iparlan eta bada ordua mendilerro eder hau ibiltzeko berriz. Iparlarainoko joan-etorria egingo dugu. Bidean beste tontor batzuk igoko ditugu, Buztanzelai (Laourdena), Astate, Ttuttulia eta, azkenik Iparla. Ibilbide luzea.

Izpegitik, Ttutturruko Kaskoa, Aintziaga lepoa eta mendia ikusten ditugu. Hortik igaroko gara laster.


Izpegi gainean dagoen aldapa tentea igo ondoren, Gorramendi mendia daukagu parean.

Momentu batzutan ertzetik eta beste batzutan ezkerretik doan bidezidorra jarraituz, Aintziaga lepora hurbiltzen goaz.

Bustanzelai edo Lauordena. Goiko bidetik igoko dugu. Gero bueltan, behekotik etorriko gara. Baina oraindik Aintziagara heldu behar gara.


Aintziaga lepoa atzean utzi eta Bustanzelai leporuntz goaz. Izpegi mendatea eta Auza mendia atzean.

Bustanzelai lepoan, tontorraren azpian. Hemen, basurde familia batekin egin dugu topo. Berehala desagertu dira.


Balizak lepoan.

LAURDENA edo BUSTANZELAI (1029m).

Lauordena tontorrean. Tutulia eta Iparla oso urruti ikusten ditugu hemendik. Baina lehenbizi Astate lepora jetsi behar dugu, gero izen bereko tontorretik igarotzeko.

Astate lepoko trikuharria.

Astatera igotzen. GRa gainetik doa denbora guztian.

Astatetik berrehun bat metro galdu behar dira Harrieta lepora jeisteko.

Harrietako baso dotorea.

Bidegurutzea Harrieta lepoan. Oso ondo dago balizatuta.

Hasi dira putreak beraien ballet ederrak sortzen.

Tutulia inguruan gaude. Iparla azkenengo tontorra da.


Iparlako tontorren bila.

Iparlaren lehenbiziko tontorrera heltzen. Mendizangai izena omem du.
Ahuntzak goian.

Eta hiru ordu baino gutxiagoan heldu gara IPARLA tontorrera.

1989-03-19
Ah ze nolako oroipenak! Ordutik itzuli gabe geunden.

Buzoia behintzat desberdina da. Eta gu...?

Ilustratzen hemen ere. Bueltarako arazo bat izango dugula ikusten ari gara, mendiak erretzen dabiltza igaro behar ditugun tokietan. Etorri garenean ez zegoen halakorik.

Momentu batean Baigorrira jeistea ere pentsatu dugu, gero handik Izpegira igotzeko, baina azkenean toki beretik itzultzea erabaki dugu.

Harrieta lepora heltzen. Hemendik orain lehen jetsitako 200 metroak igo egin beharko ditugu, Astatera heltzeko.

Astaten magalean. Tontorreraino igo gabe, apur bat beheragotik doan animalien bidezidor bat jarraituko dugu.

Hasi dira lorak agertzen.

Bustanzelai lepoan ari dira erretzen. Korrika batean igaro behar izan dugu. Ez da giro!

Aintziaga lepoan. Hemen, zorionez, ez daukagu kerik.

Putreak gustora dabiltza.

Eta guk ere gustora bukatu dugu Iparlara egin dugun joan-etorria. Eta are gehiago, Izpegiko bentan jan ditugun ogitartekoekin.

Dekorazio euskalduna...

Nafarroako mendien liburuan dagoen mapa.

2017/02/13

ORTZANTZURIETA 1570 mt- ASTOBIZKAR 1505 mt. Orreagatik

Auritzberri. Bi orduko bidaia egin ondoren ogia erosteko geratu gara. Eguna argitzen hasi da eta hotza egiten du. -4º

Orreaga. Inguru guztia elurtuta ikusten da. Goizeko 10ak dira martxan jarri ordurako.


Kolegio elizaren atzeko aldean dagoen aparkalekutik abiatu gara erraketak oinetan jarrita.

Orreagatik Ibañetara doan Santiago bidea jarraitzera goaz mendatera heltzeko. Nahiago izan dugu Orreagatik abiatzea, nahiz eta Ibañetatik motzagoa izan.

Zama historiko handia du bide honek. Gaur, elurtuta dago dena eta dotoreagoa da.

Azkar heldu gara Ibañetara. Orain GRa jarraitzera goaz. Pista dago Ortzantzurieta tontorrereaino, baina elurpean dago, eta ahal denean saihestu egingo dugu. Atzean Girizu mendia.

Orreaga. Zulo horretatik egin dugu igoera. Jetsiera ezkerretik egingo dugu.

Atzera begira, Adi eta Saioa.
Lepoederreko bidegurutzea. Jende gehiena lepo honen gainean dagoen Astobizkarrera dihoa. Guk itzultzerakoan igoko dugu. Orain Azpegiruntz doan bidea jarraituko dugu.

Mendilerroan. Aurrean Mendimotz eta Ortzantzurieta. Mendimotzen magaletik hurbilduko gara Ortzantzurietara.

Mendimotzen magalean. Atzean, lepoeder eta, eskuinean, Astobizkar.

Auritz, lautadan.

Hemen pistaren gainetik goaz, azken aldapara hurbiltzen.

Ortzantzurietara igotzen. Zerua erabat lainotu da.

Azkenengo metroak. Hego-mendebalderuntz beltza jartzen ari da.

Iparraldean elur gutxiago dago.

ORTZANTZURIETA (1570m).


Haize hotza dabil eta zerbait edan eta jan ondoren, beherako bidea hartu dugu. Igoerako bide berdina Lepoederrera heldu arte.

Lepoederretik nahiko azkar igotzen da Astobizkarrera, eta eguraldiak eusten dionez, igotzea erabaki dugu. Aurrean daukagu tontorra.

ASTOBIZKAR (1505m).

Goiko partean elur gutxi dago, baina erraketak kendu gabe egin dugu joan-etorria.

Luzaide ingurua eta Argarai mendia. Luzaide eta Aldude haranen arteko mendizerra.

Autza mendia eta Larrun atzean.

Pirinioa ere ikusten dugu. Ezkerretik hasita, Pene Blanque, Mahaia, Midi d'Ossau, Petretxema, Sobarcal, Acherito, Chinebral de Gamueta.

Mendimotz eta Ortzantzurieta.

Lepoederrera itzultzen.

Orhi.

Lepoederren, Orreagara zuzenean jeisten den Santiago bidea hartu dugu. Baso ederrak zeharkatzen ditu.

Erabat markatuta dago, seinale islatzaile ugari daude ipinita zuhaitzetan. Goian jartzen du bide hau bestea baino gogorragoa dela, beti ere erromesentzat.

Dotoreak daude basoak. Basajaunberro.

Eta erraketak oinetan jarrita heldu gara berriz Orreagako aparkalekura. Behean elur gutxiago dago, eta lokatza apur bat ere bai, baina lortu dugu igarotzea. Bost ordu t'erdiko itzulia egin dugu. Aurretik ezagutzen genuen ingurua, baina gustora etortzen gara paraje hauetara.