2020-08-15 Atzo berandu heldu ginen Tramacastillara, eta gaur zerbait lasaia egiteko asmoz etorri gara Portalet-era. Goizeko 10:30etan heldu gara mendatera. Hau, gure ohiko mendi-ingurua da. Hainbat aldiz ibili eta ibiltzen gara, urteko urtaro guztietan. Baina ez gara aspertzen...
Beraz, beste itzuli bat inguru eder hauetan.
 |
PORTALET. Hemengo irudi tipikoa, Peyreget eta Midi-rekin. Ez daukagu presarik, eta ibilbidea ere ez daukagu zehaztuta. Ikusiko dugu nora eramaten gaitun buruak...
|
 |
Mendatetik irten eta, hasiera batean, Cuyalaret aldera doan bidezidorretako bat hartu dugu.
|
 |
Erdian daukagu Cuyalaret. Ezkerrean, Anèou-ko Kanpaia eta eskuinean, Anéou tontorra.
|
 |
Nahiz eta Cuyalaret-era doan sakanean egon, eskuinera zeharkatzea eta Anèou lepora igotzea pentsatu dugu.
|
 |
Atzean geratzen zaigu inguruko erregea, Ossau-ko Midi.
|
 |
Eta duela gutxi, bigarren aldiz egondako Lurien ederra.
|
 |
Anèou lepora doan sakanean.
|
 |
Lepora heltzen. Anèou mendia eskuinean. Erabaki dugu zer egin. Horra igo eta gailurreria jarraitu Canal Roya-raino. Cuyalaret ezkerrean utziko dugu.
|
 |
Lepoan. Abiapuntua ondo ikusten da. Mendi garaienetan hodei ekaitztsuak sortzen ari dira. Arratsalderako ekaitzak daude iragarrita.
|
LURIENera Igoera |
Igoera, canal Roya aldetik da, eta laburra baina oso pikoa da. Talde handi bat doa aurretik.
|
 |
Lasai hartu dugu. Aurrekoek igotzen duten bitartean, inguruan daukagunaz gozatzen geratu gara. Fondoan, Escarra eta Pala de Ip agertzen dira.
|
 |
Aldapa tentean. Azpian, Canal Roya.
|
 |
ANEOU tontorrean (2364m). Aurrean, Pène de la Glère, Midi, Lurien,..., Ossau inguruak.
|
 |
Tontorretik jeisten, ertza jarraitzeko.
|
 |
Hurrengo tontorra, PEÑA BLANCA (2365m). Hodeiak gero eta gertuago.
|
 |
Canal Roya, Anayet, Arroyeras, Punta Escarra,...
|
Anayet |
Ertza jarraitzen. Erraza da. Fondoan, Borau-Aspe-Llena de la Garganta-Bozo.
|
 |
Hau da aurrean daukaguna. Beste egun batetako argazkia da.
|
 |
Midi. Dotorea, edozein tokitatik ikusita ere.
|
 |
Espelunciecha, Culivillas, Arroyeras, Punta Escarra eta Anayet. Canal Roya-ko Rinconada lakuen azpian.
|
Arroyetas, Culivillas, Vertice |
Canal Roya tontorrera geratzen zaigun ertza.
|
 |
Argi politak ekaitz-hodeiekin. Zaldiak ertzean.
|
 |
Atzera begira.
|
 |
CANAL ROYA tontorrean (2347m). Pic des Moines eta Ayous-eko lakuak inguratzen dituzten mendiak.
|
 |
Tontorraren babesean dauden laku txiki baina politak.
|
 |
Anèou-tik hona jarraitu dugun ertza.
|
 |
Goietan, putreen erakustaldiak.
|
 |
Jetsiera, ohiko bidetik egingo dugu, hor ikusten den haranetik. Fondoan, Lurien, Palas, Balaitús, Ferraturas-Soques-Soba.
|
 |
Lasai eta gozatzen ibiltzeko tokiak.
|
 |
Artaldea Ayous aldean. Lerroak ondo mantentzen.
|
 |
Hezetasun guneak Pène de la Glère-ren azpian.
|
 |
Beste artalde bat Peyreget eta Midi-rekin.
|
 |
Marmota.
|
 |
Portalet-era itzultzen. Apur bat lehenago euri tanta batzuk erori dira, baina ondo eutsi dio eguraldiak, eta ez gara busti.
|
 |
Portelet-en berriz. Pasiada ezaguna baina polita izan da gaurkoa.
|
 |
Iluntzean Tramacastillan, Telera eta Partacua mendikateari begira.
|
 |
Hodei dotoreak Biescas aldean.
|
 |
Catieras eta Baldairán aldea, Panticosan.
|
 |
Eta ilunabar eder hau ikusi ondoren, goiz ohera, bihar Collarada-ra igotzeko asmoa baitdaukagu.
|
iruzkinik ez:
Argitaratu iruzkina