LEA ibaia, Oleta-Gizaburuaga-Aulestia. Sinfonia Berdea.

2018-05-14 Igandea. Euria ari du. Zer egin? Gutxienez pasiera bat eman beharko dugu... nora?... Azkenean, eta ez da lehenbiziko aldia, Lekeitio ondoan dagoen Oletara etorri gara, eta Aulestia aldera abiatuko gara, ikusiko dugu noraino.

Ibilbideak ez du misteriorik, oso ondo markatuta dago eta ez dago galtzerik. Polita da, eta gaur dagoen bezala, erabat berdea, gehiago akaso. Lasaitasuna adierazten du, nahiz eta zati labur bat, Lariz auzoan, errepide ertzetik egin behar den.

Oletatik gertu Lea ibaia zeharkatu behar da zubi dotore honetatik.

Presa dexente ikusiko ditugu ibilbidean.

Errotako leihoa.

Gaur azkenean ez gara Aulestiraino heldu, euri txaparrada jasan behar izan dugulako, eta itzulia ere oinez egingo dugulako. Besteren batean Aulestitik autobusez itzuli izan gara Oleta edo Lekeitiora.

Gizaburuaga eta Aulesti artean dagoen errota eta presa.

Azkenean 3 orduko joan-etorria egin dugu. Berez, Lekeitiotik Munitibarreraino doa bidea. Gaur zati bat besterik ez dugu egin. Gizaburuagan hamaiketakoa egin dugu izultzerakoan, eta lasai, inguruaz gozatuz etorri gara berriz Oletara. Bide aproposa horrelako egunetarako ( bestela ere, noski).

Lea ibaia da gaurko protagonista.