UDALAITZ-gailurreria.

Plan zehatzik gabe atera gara etxetik. Eguraldia ez dago txafleguak botatzeko. Zaraia mendikatea lainopean dago eta Udalaitz oraingoz garbiago. Horrela bada, Arrasateko Udala auzora etorri gara. Anboto ere estalita dago.

Informazioa Udalan.

Zaraia eta Urkilla aldera begiratu eta hau da ikusten dena.

Udalaitzeko gailurreria garbi orain. Ahaleginduko gara bertatik igotzen.

Beheko basoak zeharkatu eta begibistan daukagu gailurreriaren hasiera.

Atxaurrutxugañen. Anboto aldean euria ari du. Badirudi honuntz ere datorrela...

Aurrean daukaguna, Erdikoatxa eta Udalaitz.

Atxaurrutxugañe atzean utzi dugu eta euria gero eta gertuago.

Erdikoatxan. Elur malutak erortzen dira. Beno, euria baino hobe...

Baina Udalaitzera igoko dugu, bere kobazulotik igarota.

Uztepe Sakona. Hemendik duela urte pila igota gaude. Nolako oroipenak!

Heldu gara kobazulora. Ez dugu Mari ikusi..., badirudi gure parean dagoela, Anbotoko kobazuloan. Baina gaur ez dugu ikusten.

Orain kanpoan euria ari du. Anbotoko gailurreria agertu nahian dabil.

Udalaitzeko tontorrean. Hortik etorri gara.

Gaur, mapa honetan agertzen diren gailur eta tokien bostgarren partea bakarrik ikusten dugu. Baina ez du inporta.

Bide arruntetik jeisten. Gogorra egin zaigu, oso labainkorra dago eta.

Artadian, Udalara itzultzen. Izan dugun eguraldia aintzat hartuta, ez da gaizki egon.
Urteberrion. Onak izan, eta helburu guztiak ea lortzen ditugun 2014an.

MENDILATZ 1340 mt. Zirkularra erraketekin.

SL-NA  58B ibilbidea jarraitu dugu. Erraketekin goaz. Elur asko, hodeiak ere bai, baina jenderik baterez.

Kotxeaz bidai luzea egin ondoren Azpegiko aterpera heldu gara.

Eguraldi ona iragarrita hego aldean, baina hemen lainututa, hala ere topatu dugu markatutako bidea eta ahal bada jarraituko dugu...

Zenbat eta gorago, zuhaitzen itxura askoz politagoa da.

Lehenengo eguna erraketekin denboraldi honetan, krak, krak, gustora, bestela kriston paliza.

Azkenengo aldapa potentea igo ondoren, tontorraren bila "taigako" paisai honetan.

Buzoi bila, dirudienez estalita dago, elurraren azpian.. ez dugu topatu!

Momentu batean Azpegi ingurua ikusi ahal izan dugu, eta horri esker, jeisteko erabiliko dugun bidea kokatu dugu.

Beste aldetik beherantz, aldapatsua baita ere, baina erraketek ondo eusten dute.

Izugarri polita dago dena.

Urkuluren magalean dauden txabolak. Ekarri dugun planean, Urkulu eta Txangoara joatea ere zen, baina goiak erabat lainotuta daude eta ez du merezi.

Hemen aparkatu dugu, eta hemendik atera gara. Aterpea librea da, eta primeran dago.